قصيده عن العنووز

اسير الرياض · منذ /06-28-2009, 11:17 PM

الـسلآمـ علـ(يـ)كمـ ..
حبيت اقدم لكم شعر او قصيده عن العنوز .. بما اني عنزي ..

وحده تكلمني على الهاتف الجوال

عن غربتي وعن حسرتي والتفاكير

قـالـت عـلامـك يـاولـد دوم رحال

دايم تـهاجر مــثـل مايــفـعـل الطير

قلت آآآه كله سبة هموم واهوال

غـربة ألـم يـاسـائـلـه مـانـي بـخير

حزن الزمن والظلم والوقت والحال

وجـروح قـلـب بوسط صدري مسامير

ودموع دايم فوق الاوجان تنهال

ظــاقــت بـي الايــام مـامـن تـدابـيـر

وفيني هموم بداخلي مابتنقال

يعجز لساني شرحها والحكي يحير

قالت كفايه زدت بالقلب غربال

قــلـت اقــفـــلي ياعل دربك تياسير

قالت دقيقه بخاطري شي مازال

ســؤال حــيـرني وابـي منك تفـسير

قلت اسألي وانا بجاوبك بالحال

قالت من انت ارجوك قلي وش تصير

ظحكت بس بظحكتي مدمعي سال

قلـت آهـ يـادنـيـا الـعنـى والمخاسير

انا ولد رجال من نسل رجال

كــانــك تــعـرفـي عـمنـا سالم الـزير

حنانسل وايل عريبين الاسبال

نـاسٍ بـقـص الـراس دايــم هــوامـيــر

ناسٍ لهم بالعز يابنت منزال

تــاريــخــهــم بــالــعــز مـافـيه تزوير

اهل الكرم والطيب فال علىٍ فال

زبــانــت الــجــالـي سيـوفٍ مشاهير

حنا عنزه مجلاسنا بن ودلال

لامـــن زعـــلــنا نـــدمــر القوم تدمير

تاريخنا بالعز مافيه من قال

الاونــعـم ونـعـم مـافـيـه تــقــصـيـر

تسجلت بافعال عناز الاقوال

وتـدونـت فـيـنا الكـتب للــتــذاكـيتر

تاريخ كله مفخره فعل الابطال

نــفــخـر لــيــا قلنا نسل سالم الزير

الرجل منا لاحكا قول وافعال

لـــودارت الايــام حـــنا الــمشاهير

لواننا يابنت في وقت غربال

نـصـبر ونـحـمي عزنا ويش مايصير

الموت اهون لو علينا الزمن مال

دون الشــرف والـعـز مـانـقبل الغير

نسل ابن وايل عز صباب فنجال

شـجـاعـه وجــود ونــسل طيب وايجير

هذا انا يابنت من نسل رجال

فــيـه الافـعـال الـي بـها حكينا يحير

وراحت وهي تسحب مع الصوت موال

عـــز الــقــبـايــل عــز ياســالم الزير

والعز في جميع القبايل..... ولايهون الجميع...