ناكر المعروف مابين بعينك / روايه

تتمة الجزء
شيخه
طلعت من الدوانيه وانا مييييييته قهر .. هذا شفيه .. عباله انا شي شراه ويتصرف فيه على كيفه .. ليكون حسباله اني رضيت فيه معناه اني اسوي أي شي يطلبه مني .. والله والله هالمرة مراح اسكت وبتشوف يالكريه شبسوي ..
صعدت غرفتي وانا اسمع حصوص وخلود ينادوني .. بس مارديت على احد .. واول ماوصلت غرفتي لقيت سويرة واقفه ومتخصره ...
سارة : هيييي انتي ... وين قلبتي الذهب اللي كانت بالحمام
شيخه بحاله الله اعلم فيها : ذلفي عني انتي وولد اخوج ترى نفسي بخشمي
سارة : والله نفسج بخشمج .. بعيونج .. مو شغلي .. انا ابي ذهبي يالحراميه وينه !!!
شيخه : نعــــــــــــــم ... شقلتي عيدي الجمله مرة ثانيه !!!! ..
سارة : حرااميه .. شفيج ماتسمعيين ..!! .. ايه عدل اللي يبوق مايقول انا حرامي .. يسوي روحه بررريئ وماله شغل بشي
وصلت فيني العصبيه والينون لدرجه ماتتصورونها .. لكني سكت وقلت هذي ناويه على الشر .. وتعوذت من ابليس وييت بدخل غرفتي .. ولا توقف يدامي وتسد الباب بيدها ..
سارة : طلعي الذهب ... !!
شيخه : عويذ الله من شرج ياساروة .. وخري عن طريجي لاتخليني ارتكب فيج جرييييمه !!!!
سارة : تسويينها .. طالعه على امج .. مو كافي انج حراميه بعد راعيه جرايم
تدرون .. حسيت ان الدنيا اسودت بعيوني .. ماقمت اشوف شي ... منو هذي اللي تييب طاري امي بالشينه .. والله والله محد يفكج مني غير الموت
ومن غير احساس مسكتها من كشتها وقعدت اكفخها بجنون .. بحرة وقهر وكره .. حسيت ان قلبي مابرد ابي اذبحها وافك العالم من شرها .. وماحسيت الا بخلود وحصوص ومها .. وحتى بدريه حواليني يبون يفجونها .. وبالمووووووووت قدروا يوخروني عنها .. حسيت اني طلعت حرتي بعزوز فيها .. خلوني .. اذبحها خلووووووووووني

صرت اصرخ بهالكلمتين ... خلووني اذبح هالمجرمه ..
بوخالد اللي سمع صراخنا وكان نايم وطلع من الغرفه ...
بوخالد : شصاير ....!!!! شفيكم ؟؟؟
سارة وعيارتها المعهودة : اااااااااخ يابوخالد الحق علي بنتك بتذبحني .. ليش تكرهني ماني عارفه .. شسويتلج !!
حصه : يماا منج يالعيارة .. مو انتي اللي بديتي يعني ..
بوخالد : بس ..
وقرب من شيخه .. وبهدوء ماينعرف شنهو وراه ..
بوخالد : شصاير شيوخ ؟
شيخه : هذي تقول ان امي حراميه .. انا تقول عن امي جذيه .. والله اللي يمسها بشي اذبحه بيديني ..
بوخالد فتح عيونه على الاخر .. ولف صوب سارة ومسكها من شعرها ..
بوخالد : قلتي هالكلام ولا لا ..!!! تحجي ..!!
سارة : والله اللي خلق سبع سماوات ماقلت هالكلام .. ينقطع لساني .. كل اللي قلته ياشيخه ماشفتي قطعه الذهب مالتي كانت بالحمام .. صرخت بويهي وقالت ليش انا حراميه وقامت تخربط وتصرج وماادري شصار فيها ويوم قلتلها خليني اشوفها بغرفتج ليش خايفه قامت وتهجمت علي وطقتني
شيخه ودموع عيونها تسييييل ونظراتها المقجوعه وصوتها المبحوح : جذاااااااابه والله العظيم جذابه يبا .. لاتصدقها ..
بوخالد : زين .. يعني انتي شاكه ان شيوخ ماخذتها ..!!
سارة : ماادري .. بس اقول يمكن تكون عندها ..
بوخالد بنظره : وان طلعتي جذابه ياسارة .. تدرين شسوي فيج .. الباب اللي دخلتي منه بتطلعين منه ..
وعم الهدوء المكان اللي من دموع شيخه اللي كانت بحظن حصوص .. خالد كان واقف يم مها وبدريه مكتفين .. مايدرون شيسون .. ويظل هذا الابو .. واذا تكلم لزوم الكل يسكت ..
دخل بوخالد غرفة شيوخ .. ووراه سويره وشيخه والبنات ..
بوخالد : دوري اشوف ... وين ذهبج !!
وقعدت سارة تدور وتحوس بالغرفه وانا واقفه بثقه لاني مستحيل اخذ شي ماهو لي .. وخصوصا انه لساروه وووويع .. لو يكون مال قارون كله عندها بعافه ومااراح اخذه .. وقفت يم خالد ونا مكتفه ايديني .. واشوفها شلون تدور وتحوس .. وفجأة صرخت ..
سارة : شفت .. شفت شقتلك .. هذا ذهبي وحصلته ... علشان ماتلومني بشي ..
بوخالد طلعت عيونه .. وعلى طول تلفت صوبي وطالعني بنظرة
شيخه : والله والعظيم يبا مالي شغل .. انا ماخذيت شي .. والله ما خذيـــ
بوخالد بنبرة عاليه وحزم : جـــــــــــــــــــــــــــــــــــــــــب !!!!!
وعم الهدوء مرة ثانيه وتدخل خالد بسرعه
خالد : يبا .. انت تدري ان شيوخ مستحيل تمد ايدها على شي .. هذي اللي متبليه عليها .. وشيوخ مو ناقصها شي علشان تاخذ ذهب احد ..
بوخالد : وانا ادري انه مو ناقصها شي .. وادري ليش خذت الذهب بعد .. بس معليه .. ذلفي ومابي اشوف ويهج مرة ثانيه
تعرفون شنو يعني كنت منهارة .. حسيت كلشي بحياتي انهدم .. اول مرة احس اني فقدت القدرة على كلشي .. حتى الكلام ..
شفت ابوي بنظرة وقلتله هالكلمتين ... >> مصيرك بتعرف منو الظالم ومنو المظلوم .. وطلعت مع حصوص بيتهم .. واالله العالم بحالتي اليوم
اليوم الثاني
كنت نايمه بالسرير يوم سمعت حصوص تقعدني .. فتحت عيوني شوي شوي .. ورفعت راسي لكن حسيت بدوار عجييب .. احس راسي مصدع من البجي .. امس قصيته كله دموع وصياح .. اول مرة احس بالضعف والضياع جذيه ..
حصه : شيوووخ تدرين الساعه جم وانتي للحين نايمه ؟
شيخه : جم ؟
حصه : 4 ونص العصر ترى .. واليوم بيي صلاح ماتبين تروحين معانا المطار ؟؟
قلت من غير لااحس بروحي وعيوني امتلت دموع : ابي .... امي !
وقعدت ابجي مثل اليهال ... فقدت السيطرة على كل شي ... حصوص يت عندي بسرعه وهي تهديني بس ماكو فايده .. كنت منهارة .. ومو قادره اتحمل اكثر .. ابي اميييي .. وين اميي .. !!
حصوص يوم شافتني جذيه قامت ودقت على خالتي ناديه .. واللي قالتلها تييب شيوخ عندها .. ومهاوي بتنام هناك هاليومين .. احسن لها علشان ماتذكر شي .. وهي بتحاول تهديها ..
وبس قالتلي هالاقتراح وافقت على طول .. ولبست عباتي ورحت مع حصوص بيت خالتي .. وكان الكل متيمع خالتي فاطمه وبناتها وعيالهم وبنات خالتي .. يعني يمعه عائليه بحته ..
حاولت انسى كلشي .. واتأقلم مع الحريم .. والناس .. وخصوصا لما دق خلود وقالي اطلع اسلم على صلاح بره .. ماحسيت بروحي الا وانا بحظنه وابجيييي ... حتى اهوا استغرب .. انا يوم سافر مابجيت جذيه .. كنت بس خايفه .. خايفه من اللي بيصير .. واللي صار .. وصلوح الوحيد اللي يحس فيني صج .. لما اكون خايفه
صلاح : شيووخ يالدلوعه وخري عييب انا استحي ههههه
شيخه : لاتسافر الله يخليك .. اخذني معاك لاتخليني بروحي ..
صلاح عوره قلبه من هالكلمه . . شيوخ ضعفانه وباين على ويهاا التعب .. شفيها : شفيج شيوخ ... ماتاكلين ؟
مسحت دموعي وانا احاول اني اكون طبيعيه واخش هالحزن كله بقلبي اللي ماعاد يكفي شي : وين صوغتي ؟
صلاح : ههههههههههههههههه مينونه .. اييييه هذيث شويييخ
مر اليوم كله عادي وطبيعي بيت خالتي ناديه .. وبعد ماراحوا العالم قعدت معاي خالتي ناديه وفاطمه وحاولوا يهدوني ويطمنوني انهم للحين موجودين وبيقولون لابوي اتم هني الين ماتهدى الامور .. عجبتني السالفه .. لاني تعتب
وماابي اشوف عيون ابوي اللي ظلمتني .. ولابي اعيش بهذاك البيت بعد اليوم
كانت الساعه 12 ونص تقريبا .. لما راحت شيوخ بعد مايابت اغراضي واغراض صلاح اللي قرر ينام معاي ببيت خالتي ..
كنا قاعدين كلنا وسهرانين مع صلاح وسوالفه وخرابيطه عن السفر والدراسه والغربه .. كنت مستانسه ان صلاح هني ماادري ليش .. يمكن لانه ااهوا الوحيد اللي يشاركني هالاحساس .. فقد امي .. اثنينا نعاني من فراغ وجودها .. واثنينها حياتنا صارت ممله من غيرها ...
خلود كان يشرب جاي .. ومهاوي تقص كيكه اهي مسويتها .. وانا وصلاح وخالتي ناديه نسولف .. جراح يمنا يلعب بالبلاي ستيشن .. وناصر مو هني .. عنده خفارة وطبعا مايدري اني نايمه ببيتهم ..
رن تلفون خالد وكان المتصل كالعاده .. عزوز ..
اول ماسمعت اسمه على لسان خالد صخييت .. وصخ كل شي فيني غير نبضات قلبي .. حسيت اني خايفه ماادري ليش
خالد : هلا عزوز
عزيز : ويينك .. عسى مو نايم بس وازعجتك ؟
خالد : لا والله قاعد اشرب جاي ..
عزيز : جاي بنص الليل .. شنو باجر مو ناوي تداوم ؟
خالد : هههههه شنسوي .. اللندني مسهرنا معاه ..
عزيز : هههههه يحليله .. على طاري صلوح وينه ابي اسلم عليه .. انتوا وينكم بالبيت ؟؟
خالد : لا .. الله يسلمك كلنا بيت خالتي ناديه ..!
عزوز سكت شوي وعقب قال سؤال كنت متأكد مليون بالميه انه بيقوله : وشيخه وينها ؟
خالد : كاهي معانا ..!!
عزيز : ناصر ويينه ؟
خالد : عنده خفارة ومراح يرد الا باجر الساعه 7 الصبح
عزيز : زين متى بتردون البيت ؟
خالد : لا بنام هني كلنا . .تعااالـ ـ
عزيز : شيوخ بتنام هناك ؟
خالد : ايه ..
عزيز : خالد ..شيوخ ماتنام هناك تسمع !!
خالد : قلتلك نصور عنده خفارة .. خلها خالتي تبيها ..
عزيز : زيين .. عيل باجر من الصبح تمشون .. قبل حتى لايي ناصر سمعت
خالد اللي يبي يضيع الموضوع : زيين .. ماتبي تيي عيل ؟
عزيز : لا وين أي الوقت متأخر .. امركم باجر ان شالله .. وبسك جاي باجر ورانا قعده م نالصبح
خالد : زيين عمي
عزيز : ههه يله باي
سكر خالد من عزوز .. وانا سمعت كل شي .. او بالاحرى حسيت بكل الحوار الي كان بينهم .. شيبي فيني . .ليش مايخليني بحالي .. حتى الراحه مستخسرينها فيني .. حسبي الله عليك انت وعمتك . .الله ياخذكم ويفكني منكم ..
شيوخ .. اذا مات عزوز بتستانسين .. اللله وناااااااااااسه .. بيكون اسعد يوم بحياتي ..
يمكن ازعل شوي .. لان هذي نفس .. بس بطيير من الونااسه .. متى يتحقق هاليوم وافتك منك !! متى !!
ضحكت على افكاري المينونه .. وكملت سهرتي مع صلاح وخالتي ومهاوي .. لما حسيت اني نعسانه .. صعدت غرفه مهاوي ونمنا فيها انا ويااها .. وخالد وصلاح راحوا شقه خلود ينامون هناك ..

الساعه 7 ونص صباحا ..
عزيز
قعدت ادق وادق وادق على خلود .. لكن مايرد علي ... كنت راح ايين .. الحين يطلع نصور من الخفارة ومستحيل اخلي شيوخ بالبيت معاه .. مستحييل ..
الخايس خلود مايرد علي .. شسوي ..
حسيت روحي مو قادر انطر اكثر .. كنت لابس بدلة الدوام .. اخذت سويجي وطلعت بسيارتي ورحت بيت نصور .. وووقفت بره .. رجعت ادق على خالد بعد مايرد .. انتبهت ان سيارة نصور موهني .. عقب صابني ينون .. نزلت من السيارة وطقيت الجرس .. وطلعت لي الخدامه
ناصر : شيخه هني ؟
الخدامه : يس بابا .. اكو غرفه نوم فوق ..
ناصر : روحي قعديها وقولي بابا خالد تحت يبي انتي .. خلها تلبس زين !!
الخدامه : جين بابا
صعدت الخدامه فوق وانا تميت انطر .. مرتبك وخايف .. يمكن بوناصر ولا امه يشوفوني ويسولوي سالفه .. بس مااقدر اصبر اكثر .. مااقدر
الجانب الثاني
شيخه
كنت نايمه وماحسيت الا بخدامه خالتي تهزني .. فتحت عيوني بنص عين وانا اشوفها .. هذي شتبي بصباح الله خير ..
شيخه : نعم !!
الخدامه : ماما .. هذا بابا خالد تحت يبي انتي ..!!
رفعت راسي عن المخده : انا !!
الخدامه : أي ماما .. هو قول ناديني ماما شيخه تحت
شيخه : وينه بالصاله ؟
الخدامه : لا ماما .. بره اكو سيارة ..
قمت بعجز وانا مستغربه خلود شيبي هالوقت .. لميت شعري أي شي وغسلت على السريع ولبست عباتي وشيلتي بعد أي شي ونزلت تحت
طليت بس مالقيت سيارة خلود .. تميت اتلفت يمين ويسار .. وطلع بويهي شخص اخر من كنت اتوقع اني اشوفه ..
ومن غير شعور قلت : بسم الله !!
عزيز : شايفه يني !! ..
شيخه : لا والله .. يكرم اليني ..
عزيز ياخذ نفس ويتعوذ من الشيطان : ركبي يله بنمشي
شيخه : نعم !! .. خلود وينه ؟
عزيز : خلود ادق عليه مايرد .. يله ركبي السيارة ؟
شيخه : أي سيارة ؟
عزيز : سيارتي
شيخه : ومن بأمره ؟
عزيز بنظرة : بأمري ..
لفيت ويهي صوب الباب بمشي لان مالي خلقه وفيني النوم وهذا واحج فاضي ومينون .. وماحسيت الا بايده تييرني بقوووووووووة
شيخه : اييييي عورتني .. !! وخر ايدك
عزوز وهو يقربني منه الين ما لصق فيني وهو مسكر على ضورسه ويقولي : ركبي لاتخليني اييرج بالغصب
خفت .. حاولت افج ايدي منه بس ماقدرت .. قلتله بعجز
شيخه : شتبي فيني !!
عزوز : مابي منج شي .. بس مابيج تتهنين مع نصور .. لاتخافين بوديج بيت حصوص .. ركبي يلله
شيخه : اموووت ولا اركب معك .. هدني ..
عزوز : قصري صوتج وركبي خلصيينـــ
ناصر : عزوووووووووز ..!!!
عزيز : هلا بالشيخ ناصر .. خير !!!
ناصر :هدها ..
عزيز : نعم حبيبي ماسممعتك !!
ناصر بصوت اعلى ونبرة ماتبشر الا بهواشه : اقوووولك هدها !!
عزيز : والله لما يكون لك حكم عليها ذيج الساعه كلمني ..
والتفت لي وقالي بنبرة حسيت اني راح اغشي منها
عزيز : ركبي السيارة الحين . .
ومن غير لا اناقشه .. ركبت السياة .. كنت خايفه لا يتهاوشون بسبتي .. وكانت خايفه من عزوز .. كان شكله يخوف وهو معصب .. ركبت وانا اكرهه زود عن كل يوم يمر فيه معاه
__________________



رنج عزوز
شيخه
كنت اشبهه باللي قاعده على نار .. ومفوووووووووووووله من هالحمار اللي يمي .. بس خلاص مو طايقته ياناس .. ماعنده احساس .. مايفهم اني اكرهه ومابيه .. مايفهم !!
لفيت راسي صوب الدريشه وقعدت ابجي .. بس من غير صوت .. ماكنت ابيه يحس اني ضعيفه وهو قدر علي .. كنت احاول كثر مااقدر اني اكون بنفس الغرور المعهود .. والنفس الشينه اللي تعودها مني ..
بس ماكنت احس الا بدموع عينني تنزل من غير لااحس .. كنت احس الدرب صار طويييل .. طويل فوق ماتتصورون .. وغصب عني . تذكرت ايام زمان .. يوم المرحومه كانت عايشه .. كنت بدنيا غير .. وحياة غير .. حتى عزوز ماكنت اكرهه جذيه .. تذكرت ابوي .. تذكرته يوم يقول .. >> شيخه بنت ابوها ..
تذكرت يوم كنت انط على ظهره والمه حيييل وامي تضحك علي .. تذكرت لما اقعد انظف له نظاراته كل يوم .. وهو يقولي فديت بنتي انا ..
تذكرت لما يكون راد من المزرعه وادلك ريوله .. ويقولي يعطيج العافيه يابيتي .. تذكرت شيخه قبل وضحكها ولعبها وايامها الحلوة ..
لكن كل هذا راح .. وجنه كان حلم .. حلم قصير والواقع كابوس .. مااظن اني راح اصحى منه بيوم ..
مسحت دمعه غصب عني تغافلتني وطاحت على ايديني اللي حاضنتهم ببعض .. وبخطوة سريعه مسحتها قبل لايشوفها عزوز ويظن انه قدر يكسرني ..
عزيز
كنت حاس ان الجو بالسيارة كان مكهرب .. فوق ماتتصورن .. كنت احس اني راح اكسر السكان من كثر ماني معصب .. ورغم كل شي .. حسيت بتوتر وجودها .. حضورها يربكني .. ويخلي مشاعر الحب تفرض نفسها على أي شعور ثاني .. غصب عني كنت ابعد عيوني عنها .. ولكن من غير شعور .. كنت اتابع حركاتها من طرف عيوني ..
حتى ربكة ايدينها .. وتنهيدها اللي تحاول انها تخبيه .. كنت احس فيه .. حتى الدمعه اللي طاحت على ايدينها .. شفتها
كرهت روحي وقتها .. وكرهت كل شي سويته خلاها تبجي .. لكن من اتذكر وقفتها مع ناصر ذاك اليوم .. تشب فيني نار ماتنطفي .. واحس اني اكره وجودها ..
وقفنا عند الاشارة .. وكانت زحمة شوي .. شفت ساعتي لقيت الساعه تعدت 8 .. يعني راح اوصل الدوام متأخر ..
رجعت راسي على السيت وانا احس بتعب .. ومن غير لااحس التفت براسي صوب سيت شيخه .. وبنظرة خطافيه .. شفت شعرها باين من الشيلة .. صابني ينون ..>>> ادري بتقولون ين الريال . لكن انا ريلها ومن حقي هالشي .. والله مو بيدي .. مااارضى احد يشوف شعرها .. ماتدرون شعرها شنو بالنسبه لي .. ماتدرون شيسوي فيني ..
ماتدرون شعور اني المسه يسوى الدنيا ومافيها ...
ومن غير لااحس قلتلها
عزوز : دخلي شعرج !
والظاهر انها مااستوعبت شقلت والتفت صوبي تطالعني باحتقار وعقب رجعت راسها ومن غير اهتمام للي قلته .. وهالشي خلاني اطفر صج .. رجعت قلتها بصوت اوضح ..
عزوز : دخلي شعرج .. ماتسمعين !!
وببرود قالتلي ..
شيخه : مالك شغل ..
تعرفون شنو صار فيني .. ولعت .. وولع كلشي فيني .
يريت ايدها بقووووووة ومسكتها من ذراعها وقربتها مني .. وودخلت شعرها .. كنت احس بكهربا من لمست خصلتها اللي باينه من الحجاب ودخلتها .. ماتحملت قربها اكثر وحركه اسرع .. بعدتها عني بقوة .. ودست بنزييييين ومشيييييييت ..

بعد عشر دقايق من الهدوء المكهرب والنفسيات التعبانه .. وصلنا بيت حصه .. وقبل لاتنزل شيوخ حطيت ايدي على ايدها بس من غير أي مشاعر .. وقلتلها ..
عزوز : مرة ثانيه .. لما تفكرين تروحين مكان .. تعلميني .. السبت طيارتنا الساعه 3 ونص العصر ..
ووخرت ايدي بسرعه .. وانا اشوف الفراغ ..بنظراتي السودا .. حسيت فيها شافتني بكره وغيض .. ابتسمت من داخلي .. وعدت الكلمه ..
عزيز : طيارتنا الساعه 3 ونص .. سمعتي ..!! .. ماراح اعيد الكلام مرة الثانيه
شيخه : مو على كيفك .. ماني مسافرة يعني ماني مسافرة !!! ماتفهم ؟؟
عزيز : ههههه .. عبالج انا مااادري عن سوالفج انتي ونصوور !!! .. لا حبيبتي .. مو علي انا ..
ولفيت صوبها وبنبرة بارده تقهر قلت : شوفي .. انا للحين ساكت وماعلمت ابوج عن ذاك اليوم .. ولا قلتله عن يوم المطبخ .. بعرس خالد .. ولا راح اقوله عن الاشيا الثانيه .. اللي تدل على انج .... صكي حلجج وزهبي اغراضج .. والسبت تكونين جاهزة .. ترى مو حبنا فيج عل ى فكرة .. انتي ماتعنيلي شي .. ولا شي .. بس معروف برده للمرحومه
شيخه بعصبيه : اسكت .. لاتييب طاريها على لسانك .. قول اللي تقوله عني . . بس امي اشرف من انه ينطقها لسان نجس مثلك .. وسفر ماني مسافرة .. ويكون بعلمك .. انا متربيه قبل لااشوفك واعرفك ..
عزيز : هههههههههههه .. نزلي نزلي .. يالياهل ..
شيخه بصراخ : مانييييي ياااااااااااااااااااااااهل ... اكرهك .. اكرررررررهك
ونزلت وسكرت الباب بقوووووووة وراااها .. وانا غشيت من الضحك .. ياناس مااقدر اتحمل بس خلااص ..... ههههه
تكرهني ... بس انا احبها .. واحب اعصبها .. زين ياشيووخ .. ان ماخليتج تقولين تكفى بسافر معااك .. ماكون عزوز
اخذت تلفوني ودقيت على حصه .. وبعد جم رنه ردت علي
حصه : هلا عزوز ..
عزيز : هلا حصوص صباح الخير .. عسى مو نايمه وقعدتج ؟
حصه : لا انا قاعده .. توني موديه اليهال الروضه .. ها عسى ماشر .؟؟
عزيز : انا يايب شيخه بيتج .. وشكلها دشت الحين ..
حصه باستغراب : هااا .. انتا يايبها ؟؟؟ الحييين !!! .. ليش شصاير ؟
عزيز : مو قته اقولج .. مم .. زين تقدرين تطلعين . .انا بره بعطيج شي حقها ..
حصه : يله الحين طالعه
خمس دقايق وحصه كانت يايه صوبي .. كنت منحرج .. مو عارف شلون اعطيها .. ودي استشيرها اول .. انا مااعرف هالسوالف .. وماعندي احد يعلمني .. غير حصوص ..
حصه : زين دش داخل ليش واقف بره جذيه ؟
عزيز : لا ويين . .بروح الدوام .. تأخرت بسبه اختج ..
حصه : شسالفه عزوز ؟
وطلعت كرت البنك اللي طلعته حق شيوخ
عزيز : هذاا .. كرت البنك .. طلعته حق شيوخ .. ووحطيت فيه مهرها .. ماادري .. شرايج ؟؟
حصه : بشنو ؟
عزيز : حصوص انا مااعرف سوالف الدزة . . واحط المهر بصندوق وماادري شنو .. وبنفس الوقت مابي شيخه اقل من احد .. ولاابيها تحس انها غير عن البنات .. علميني شسوي ؟؟
حصه : شوف .. احسن شي سويته كرت البنك .. لان شيوخ لو كشختها مراح تاخذ الفلوس .. تعرف يعني للحينها .. .. مم
عزيز : فاهم .. يعني تهقين جذيه احسن ؟
حصه : اييه .. احسن ..
عزيز : زين انا قلتلها عن السفر وللحين ماسكه راسها .. حاولي تقنعينها .. بس لاتقوليلها اني قلتلج علشان لاتعاند زياده ..
حصه : هههههههه امداك عرفت لها ؟؟
عزيزبابتسامه : هههههههه انا عارفلها من زماان ..
حصه : ولا يهمك ..
عزيز : وو .. هالوقت راح يكون برد بلندن .. خلها تاخذ لها جاكيتات صوف .. لان بردهم مو طبيعي ..
حصه بنظرة : تحبها ؟؟
عزيز : ................... لا .. بس لاتقولين لها ؟؟؟ هههههههههههه
حصه : هههههههههههههه زين ..
عزيز : يله سلمي على سلطان واليهال .. فمان الله
حصه : الله وياك ..

نفس اليوم بليل الساعه 2 ونص
شهد
كنت قاعده ادرس بكسل مو طبيعي .. مالي خلق بس غصبن علي .. الماده غثيثه وصايرة احس بملل وشوق للكويت وكل شي بالكويت
ولهت على امي وخواتي وخالاتي .. وابوي ..
ولهت على شيوخ ومنور .. والبنات ..
سكرت الكتاب بملل ورحت مطبخي الصغير التحضيري وسويتلي كوب نسكافيه يمكن يحسسني بالدفا والحنين اللي احتاجه .. ووقفت عند الدريشه .. اشوف لندن بليل شكثر حلوة وهاديه ورومانسيه .. اشوف في ويوه الناس كلشي .. اللي مرتاح واللي تعبان واللي مستانس .. واللي عايش باحلامه وامانيه .. واللي يخطط لباجر وهموم باجر ..
يااااه .. صج الغربه تعلم الكثير ... تذكرت سناء الخبله وافكارها عن صلاح .. ههه ضحكت رغم اني حسيت بغيره .. لاتفهموني غلط .. بس احساس مستحيل اطلعه بره قلبي .. يحق لي احس واعيش مثل ماابي بخيالاتي .. بس مااسمح لهالخيالات تتعدى مخي وتطلع ..
فتحت الدريشه شوي اشم هوا لندن .. وانا ماسكه كوبي .. وافكر باسمي اللي كان مكتوب في دفتره الازرق .. شنو قصده !! .. وليش كاتب اسمي .. ابتسمت لمجرد فكره انه يمكن يهتم فيني .. وضحكت ههههههههههه
الظاهر اني ينيييت .. وطار عقلي .. ههههه .. صلاح يفكر بكل البنات الا اانا ... اكييد مراح يفكر فيني .. اكو احد يفكر ببنت عندها سوابق وعلاقات مع الشباب .. حتى لو تابت واهتدت . . بتظل في باله شينه ..
قررت اني ارد لكتابي ولصفحاتي اللي تنطرني اخلصها .. وانا كنت اسكر الدريشه .. سمعت صوت وازاعاج .. طليت لمجرد الفضول .. واذهلني المشهد اللي شفته ..... صلاااااااااااااااااااح !!!!!!!!!!!!
ومن غير مااحس بروحي .. اخذت شيلتي وعباتي ونزلت تحت باللوبي .. شفت الحارس قاعد ومااهتميت لشي .. طلعت ركض بره .. كانت اصوات وناس متيمعه حوالينه .. وقفت مع زحمة هالناس .. وشفته كان يتهاوش ويا واحد من الشباب .. ماادري شسالفه .. بس كل اللي اعرفه انه كان شكله مو طبيعي وربعه حوالينه يحاولون يسحبونه سحااب .. اذهلني الموقف وصعقت .. لان اللي شفته مو صلاح الغيور والريال والمحافظ على دينه وروحه .. اللي شفته انسان سكير وشكله غير .. غيير عن أي وقت ثاني .. ... بس ماصدقت عيوني .... تميت وااقفه ومحلقه فيييه .. واللي ماحسيت فيه كلش .. اني كنت ابجي .. كانت دموعي تنزل بغرابه .. ماادري اذا اهوا انتبه لوجودي .. ويارب يكون ماانتبهه .. لانه كان بحاله سكر خلتني اكرهه .. وعيت على روحي واللي قاعده اسويه .. وبسرعه قبل لاايشوفني .. ركضت لغرفتي والذهول والصدمه كانوا مالين تفكيري . ..
دخلت غرفتي وسكرت علي الباب .. وتسندت عليه وانا اكرهه .. واحتقره .. لكن للحظه بس .. تذكرت انا شنو كنت ..
شهد انتي كنت في حالته تقريبا .. وكنتى محتاجه لاحد ينصحج ويوعيج .. مو يحتقرج وينفر منج ..اللي مثل صلاح لازم نشفق عليه .. لانه ماعنده يد تنمد له وتساعده ..
استغفرت ربي .. وقمت صليت لي ركعتين ودعيت فيهم ان الله يحفظه ويهديه ويسخر له الصحبه الصالحه اللي تعينه على الدين والتوبه .. ويكون له حظ ونصيب من اسمه .. ويصلح حاله .. وعقبها حطيت راسي ونمت بعد هالشعور المريح اللي حسيت فيه عقب الصلاه ..

نفس الوقت
شقه خالد
خالد : والله ان هالريال مينون .... ميونننن رسميي
مها : ههههههه يحليله يغار عليها .. بس اموووت اعرف شيخه شلون راحت معاه ؟
خالد : ماعليج منها انا كلمت حصوص وتقولي انها للحين تسب وتلعن فيه هههه
مها : الله يهديه قوله ياخذها بالطيب .. وترى اللي قاعدين يسوونه هذا ماراح ييب نتيجه
خالد : انا تعبت من عزوز .. انتي كلمي شيخه تقدرين تقنعينها .. !
مها : شتقول انت ينيت .. اقنع شيوخ بكل شي .. الا موضوع يخص عزوز .. والله تحذفني من الدريشه
خالد : هههههههههههه ... والله هالاثنين ميانين ..
مها : بس صدقني .. مينانين لايقين على بعض ..
خالد : ماادري .. خايف .. خايف لايتزوجون .. وعقبها تتعقد المسائل اكثر ..
مها : ......... بهذي صدقت ..
خالد : زين الحلو مايبي ينام ؟
مها بابتسامه : الا ابي اناااان .. حدي نعسانه
ويرن تلفون خالد على مسج ..
مها بفضول : منو ؟
خالد اعتفس ويهه : .. محد .. واحد من الربع ..
مها بشك : هالوقت .. ؟
خالد : ايه اهوا دايما جذيه .. تلقينه طول الليل سهران .. يله طفي الليل باجر ورانا دوام .. مو كافي راح علينا دوام اليوم
__________________

الجزء الواحد والعشرين


لندن
غرفة صلاح
فتحت عيوني شوي شوي .. كنت احس النور يخترق عيوني .. حاولت ارفع راسي شوي بس ماقدرت .. كان الصداع ماخذ كل مأخذ مني .. كنت احس الدنيا تدور بعيني ..
قربت تلفوني وشفت الساعه كانت 2 ونص الظهر .. قمت بتثاقل مو طبيعي .. رحت صوب الدريشه وفتحت الشباك .. كنت احس اني ابي اشم هوا .. هوا نظيف بعيد عن الهوا المسموم اللي شميته امس .. احس اني مخنووق .. مخنوووووق
شفت روحي بالمنظرة .. والهالات السودا اللي تحاوط عيوني بسبب السهر والشرب .. وقله الايمان وهجر الصلاه
كنت اسحب ريولي سحب .. رحت المطبخ واخذتلي بندولتين .. وطليت على محمد لقيته نايم .. رحت فتحت التلفزيون بملل لكن مخي وتفكيري مشوش .. احس اني مخنوق احس الهوى كله اختفى .. قمت بضيق واخذت كوتي وطلعت بره الشقه .. اتنفس .. واتنفس بعييد ..
مريت صوب حديقة قريبه من بيتنا .. وحسيت ريولي تاخذني لها .. قعد على كرسي بعييد شوي .. كان المكان كله هدوء .. الا من غير اصوات العصافير والهوا اللي يحرك الاوراق والشير .. وصوت افكاري وحديث نفسي اللي يعذبني اكثر واكثر
وللحظة بس حسيت شريط ليلة امس كله مر يدامي كرهت روحي اكثر واكثر .. حسيت اني فاسق .. ان ذنوب الدنيا راكبتني من راسي الين ريولي ..
شنو الحل يا صلاح .. الين متى بتم جذيه .. ماتخاف تموت وانت بهالحاله ؟ وشنو بتقول لربك ؟؟ باي ويه بتقابله ..
صارت هالاسئلة تاخذني يمين ويسار .. شفت ساعتي وكان اذان العصر توه مأذن .. قمت ورحت المسيد اللي بانيته السفارة السعوديه .. قريب من شقتنا .. وصليت العصر .. ودعيت ربي انه يمدني بالقوة .. عشان اتخلص من اللي انا افيه ..
حسيت براحه مو طبيعيه بعد الصلاة .. يالله .. من طبيت هالديرة وانا كنت ناسي الصلاه ومن غيرها ماحسيت بطعم الراحه كلش .. مريت كوفي يمنا واخذتلي نسكافيه .. ولا يرن تلفوني وكان المتصل محمد ..
صلاح : هلا حمود .. قعدت ؟
محمد : اسكت صلوح .. احس راسي بينفجر .. وينك طالع من الصبح ؟
صلاح : أي صبح يامعود الساعه الحين 3 ونص العصر ..
محمد : اشوه ان الدكتور معطينا اوف هاليوم ولا شلون كنا بنقعد ..
صلاح : حموود .. الين متى واحنا جذي ؟؟
محمد : .......... تدري .. اول مرة احس بالضيق .. رغم ان كلشي عندنا .. بس احس اني مخنوق
صلاح : حموود .. والله هالطريج ماوراه غير البلاوي .. حتى الصلاة نسيناها .. واحنا اللي كنا احرص الناس على صلاتنا .. شوف الوضع اللي احنا فيه هالحين ..
محمد : هههه كل هذا خايف ؟
صلاح : من شنو ؟
محمد : عشان شهد شافتك وانت سكران امس ؟
صلاح بصدمه : شهد !!!!!!!!!!!!!!!!!
محمد : ايه انت كنت فاقد كلش .. ماتدري عن اللي حواليك ؟
صلاح : انت شتقول اهي شافتني ..!!! ؟؟؟؟
محمد : بس لاتخاف .. ماتوقع بتعلم اخوك ولا اهلك .. ماتتجرأ !
محمد ماكان فاهمني .. انا ماهمني لو قالت لهم ولا لا .. انا كل الللي همني . . انها شافتني .. وانا اللي انقد عليها واعايرها .. شراح تقول عني ... شالصورة اللي بترسمها عني !!!
محمد : هههههههه شفيي هذا .. ماهقيتك خواف ..
صلاح : مو قصه خوف حمود .. الموضوع اكبر من جذيه ..
محمد : تحبها ؟
صلاح بصدمه اكبر : نعم !!! ؟؟؟ أي شي ؟؟ شكو ؟؟؟ ماكو شغل احبها .. ليش يعني
محمد : ههههههههههههههههههههه بس بس خلاص .. والله انك تحبها
صلاح : اقول استريح بس ... ماعندك سالفه
محمد : صلاح ...... امش خل نروح نصلي العصر ..
ماتدرون شكثر استانست يوم سمعت هالكلمه من حمود .. احس ردتلي الروح مرة ثانيه .. حسيت بسعاده ماتنوصف .. والله ماتنوصف . .
وقلتله بسرعه
صلاح : انا صليت بالمسيد اللي يمنا ..
محمد : يالخاين ليش ماتعزم ؟؟؟؟؟
صلاح : هههههههههههههههه زين انا برد البيت واييب لنا شي ناكله وانت روح صلي وتعال
محمد : نو نو .. انا عازمك اليوم .. انت رد البيت وانا بيب لنا الغدا واصلي وايك
صلاح : صار يالغالي .. انطرك ..
محمد : اوكيه ..
صلاح : يله باي ..
محمد : صلاح ؟؟
صلاح : هلا ؟
محمد : ........ حط بالك على روحك .. وادعيلي معاك
صلاح : ليش انت رايح حرب ؟
محمد : ههههههههههههههه
صلاح : محمد شفيك ؟
محمد : ماافيني شي .. يله رد البيت بلا هذرة ..
صلاح باستغراب : اوكيه ..
سكرت من حمود وانا مستغرب كلامه .. ليش يقول جذيه .. كنت خايف .. خايف بس ماادري ليش ..
خذيت قهوتي .. ورديت البيت انطره يي وافهم منه السالفه ..
>>>
نفس اليوم .. الخميس
الساعه 2 ونص الظهر
بيت حصه بالحديقه
شيخه
كنت قاعده اشبهه باللي بياخذونها اعدام بعد شوي .. قاعده على اعصابي .. وحصوص ومها كل شوي وحده تقوم .. وحده تدق تلفون .. يسولفون ويضحكون . .يبون يطلعوني من الجو المكهرب اللي انا فيه .. بس مو قادره
تخيلوا .. بعد شوي .. يمكن يدش خلود وعزوز .. وتنتي حياتي .. ياويلي .. مستحيل اروح معاه .. انا وعزوز بروحنا .. مستحيل .. لمنوا اشكي .. ابوي ومستحيل اكلمه او يكلمني .. خالد وسبق وسألني وانا سويت فيها شجاعه وقلت بطلع له عيونه وانتقم منه .. بس الظاهر اني انا غلطانه .. شكله اهوا اللي بيطلع عيوني .. حريمته والله حريمته ..
سلطان اللي توه داش : درب ..
لبست شيلتي اللي كانت على جتفي اصلا .. ومهاوي دخلت تلبس لانها كانت لابسه قصير .. وقعدت يم حصه بنفسيه .. مالي خلق اكلم احد ولا اشوف احد
التفت علي سلطان يبي يطفرني : ها العروس .. متى طيارتكم ؟
شيخه : ماادري ..
سلطان : ههههههه شنو بتسافرين ولا رايحين يذبحونج ؟؟
حصه : سلطان .. لاتأذيها بس الحين تطنقر عاد ..
سلطان : زين .. ترى الشباب ياين بالطريج .. يوسف والعيال وينهم ؟
حصه : يوسف نايم والعيال عند اختك نايمين من امس ..
سلطان : مايبتيهم للحين ؟؟
حصه : خلهم نايمين .. عمتم تبيهم . وبعدين انا مرتبشه هاليومين ..
سلطان : انتوا قايلين لصلاح عن ملجه شيوخ وزواجها ؟
حصه : لا خالد قلنا لاتعلمونه اهوا بيقوله اليوم ..
سلطان : والله خالد مينون ..
حصه : بالعكس. .. جذيه احسن
والتفت حصه صوبي .. فهمت انهم مايبون يقولون لصلاح يعرفونه بيي وبيشوف السالفه ويمكن انا اسوي سالفه واربشه معاي
سلطان : زين يالشيخه .. زاهبه اغراضج
شيخه : حصوص شوفي ريلج عاد !!
سلطان : هههههههههه ... بل بل .. انا النفسيه زفت .. وهذاك بعد نفسيته زفت .. انتوا ليش تزوجتوا ماادري
حصه : سلطاان !!! .. قولها كلمه تطيب خاطرها .. هذا كلام ينقال
شيخه بنرفزة : انا بدش داخل ..
وانا قايمه ولافه ابي ادش داخل البيت .. سمعت صوت الباب .. حسيت كل عرج فيني نط .. كل قطرة دم في عروقي نشفت .. بس تصنعت عدم الاهتمام .. وكملت طريجي ولا يناديني خالد
خالد : شيخه .. !
التفت ببرود وعيوني كلش مايات صوب عزوز اللي واقف يمه
شيخه : هلا ؟
خالد : جاهزة ؟
اصعب كلمة بحياتي قلتها اهي هذي الكلمه : ......
اكتفيت بنظراتي البارده اللي تبين ان هالزواج كله مب معترفه فيه .. ورجعت لفيت بكمل طريجي ..
ولحقتني شييخه
داخل البيت
حصه : يله شيوخ لبسي .. بتمشون الحين بتسلمون على ابوي وبعدها بتروحون بيت ابوه ومن هناك بيوصلكم خالد المطار ..
مها : ليش احنا مراح نوصلها ؟
حصه : لا .. خلود قال احنا نتم هني ؟؟
التفت معصبه : ليش ان شالله !! .. ترى ان ماييتوا .. والله ماني مسافرة ..
حصه : شيووخ .. عقلي خلص ..
شيخه بانهيار : ماااااااااابي ... ليش كل شي على كيفهم !! .. مالي شغل .. !!
حصه : ششششش وطي صوتج يسمعونج الرياييل
شيخه بنبرة اعلى : مابي .. قولي لخالد تيون معاي المطار ولا ماني مسافرة
مها : شيووخ خلص خلص .. بكلم خلود .. بس سكتي ..
شيخه بنرفزة وهي تهز ريولها ..
حصه : قومي لبسي زين .. واحنا بنلبس .. يله
رغم الخوف اللي كنت احس فيه بس قمت ببرود ولبست عباتي .. اتصنع البرود .. وانا من داخل اشب ضو .. مووولعه
>>> مااخذت غير جنطة ايدي .. جنطه السفر ماادري عنها مهاوي وحصه اهما اللي يابوا اغراضي من بيت ابوي .. بس اللي تأكدت من وجوده .. اهوا دفتري ..
لبست شيلتي وجاكيت بيج طويل مبطن بربريز مع بنطلول بني غامج مع شال بربريز .. يابتهم لي حصه .. وانا لبستهم عشانها ..
وتوني كنت بطلع ولا تمسكني حصوووه
حصه : تعالي هني .. دش داخل اشوف
شيخه : شنو فيه بعد ؟
حصه وهي تطلع قلم كحل وروج وبوده وتقرب مني تبي تحطلي
شيخه : حصوووه مالي خلثج اللي فيني كافيني .. لاتقعدين تسوين سوالف !!
مها : هههههههههههههههه بسم الله انتي شوي وتنفجرين علينا ريلاكس ياماما
شيخه : اووو مهاوي سكتي ترى الحين اقعد ابجي ..
حصه تنغز لمهاوي عشان تقنعها ..
مها : شيووخ يالخلبله .. ادري انتي شتفكرين فيه .. بس لازم تطلعين بصورة حلوة .. مو علشانه .. على شانج .. خليه يحترق ويحس انه اللي خذاها تسوى بنات الدنيا كلها .. ذبحييه من القهر . .
راقتلي الفكرة .. وراقلي كلام مها .. بس اخذت الكحل والروج من حصوص عشان انا اتمكيج ادري اهي بتثقلي وانا مابيه يسح اني متمكيجه .. علشان لايصدق روحه ..
تكحلت عالسريع وحطيت روج وخففته بالقلوس البيج الشفاف .. وبودره خفيفه .. كان كافي ليبرز ملامح ويهي الهاديه
طلعت من البيت وطبيعي اول ماتطلع .. رفعت عيوني بويه اللي قاعدين .. ولاشعوريا يت عيوني على عزوز ..
كان لابس جاكيت اسود طويل مع نظارة سودا .. ماكنت اشوف ملامحه .. ولا كنت اشوف أي تعابير بويه وهالشي ذبحني من القهر .. لأاني احس انه يكرهني زود ماانا اكره .. اوووف الله يعني عليك بالسفر ..
عزوز
كنا بنطلع بسيارتين .. سيارتي وسيارة خلود .. خلود بياخذ حصه ومها معاه .. وانا باخذ شيوخ معاي .. طبعا حطيت جنطتها بسيارتي .. ماادري جم كيلو هدوم حاطه فيها .. واللي قهرني .. جنطة لابتوبها معاها .. لهالدرجه ماتستغني عنه !!
سلمنا على سلطان اللي مراح يي معانا .. ركبت انا السيارة .. انطر شيوخ تركب .. لكن اللي قهرني يوم شفتها يايه وركبت مع البنات بسيارة خلود ..
رفعت عيني على المنظرة ... وشلت نظارتي السودا .. وشفتها بنظرة .. وابتسمت على سخافتها .. وسكرت الباب ..
بيني وبينكم كنت مفول منها ... اوووف .. مرات ترفع ضغطي بحركاتها الياهل .. بس انا اعرف شلون انرفزج .. فتحت الباب ونزلت وقربت من سيارة خلود .. وقلته بصوت يخليها تسمع
عزوز : اقول .. ليش ماتخلي حصه تسوق .. وانت تعال اركب معاي ؟
خالد : لا الحين شيوخ تركب معاك
وشفت خالد خز شيوخ بعينه بس انا سبقته وقلت
عزوز : لا لا .. تعال انت اركب معاي
قلت هالكلمه ابي احر قلبها اوبين لها اني مابيها تقعد معاي .. وعلى طول شفت النار تشب بعيونها وهي تقول
شيخه : ماني ميته على القعده معاك ترى !!
عزوز : ولا انا .. قعدي هني .. بس مردج بتين معاي .. اقول خلود قوم تعال يله.. انا انطرك ..
ومشيت ..
شيخه
اول مامشى عزوز انفجرت ..
شيخه : شفتووو .. شفتو شسوا .. عشتوو .. يعني انا اللي ميته اقعد معاه واسمع سوالفه البايخه .. مابي اسافر مااااابي .. فتحت الباب ابي اطلع .. وانا اشوف الكل انفجر ضحك .. خلود طلع ويه عندي وعيونه كلها دموع من الضحك .. مو قادر يتحجى
خالد : هههههههههههههه تكفين قعدي قعدي .. هههههههه والله انتو نكته
صرخت بويهه : شنو فيه يضحك !!!!! ؟
خالد اللي يحاول يمسك ضحكته : خلاص خلاص ههه .. مراح اضحك .. حصوص هاج السويج انتي سوقي وانا بركب مع عزوز .. شوي شوي على سيارتي مو تقحصين فيها ..
شيخه : اوووووف ... خلاص مو متحمله .. ياربييييييي شسوي ياناس .. دمه ثقيل شلون بسافر معاه !!
مها : حصوص .. خالد كلم صلاح ؟؟
حصه وهي تشغل السييارة وتمشي ورى عزوز : قال بيكلمه بالسيارة ويقوله ينطرهم بالمطار !!
مها : هههه الله يعينكم عليه عاد الحين بيقعد يتحطلم ليش ماقلتولي من قبل ههههه
حصه : جذيه احسن .. صلوح واعرفه عدل
رن تلفوني واول ماشفت الرقم خارجي استبشرت انهها منور وشلته على طول ..
شيخه : الو ؟
منيرة : الووو .. شيوووخ .. شلوووووونج يالخايسه مشتاقتلج .. ليش ماتدقين هاا !!
تبون الصج .. يتني البجيه .. كنت راح ابجي اول ماسمعت صوت منور ...
شيخه : هلا .. منور. .. انتي وينج .. ليش ماييتي ؟
منيرة : فديتج .. كله من فيصل مدد لنا اسبوع .. ومادريت انكم بتسافرون بهالسرعه .. لاتزعلين ان شالله نحتفل فيج بس توصلون بالسلامه
أي احتفال واي بطيخ .. قولي بتقرون على روحي الفاتحه
شيخه : زين .. انتي شلونج .. وفيصل شلونه .. ان شالله مستانسين ؟
منيرة : أي والله مستانسين .. وان شالله انتوا بعد تستانسون ..
شيخه : الله كريم ..
منيرة : شيوخ .. لاتعاندين بالريال .. وشوي شوي .. راح تتعودين عليه
شيخه : منور ..سكري على هالموضوع .. يله لاتقاطيعين .. دقي كل وقت ..
منيرة : من عيوني .. تعالي اقولج .. ترى شهد هناك .. اذا تبين ادزلج رقمها الحين .. يمكن تلافينها
شيخه : أي والله ياليت .. عالاقل في احد اقعد معاه ..
منيرة : خلاص .. انا اخليها تكلمج ان شالله .. تامرين على شي ؟
شيخه اللي دموعها غرقتها : سلامتج ..
سكرت التلفون من منور .. وحسيت ان كل اللي صار بحياتي صار يمشي يدام عيوني مثل الشريط .. انا مينونه .. مينونه رسمي .. شلون رضيت فيه .. وللحظة بس . تذكرت ناصر .. ناصر كان يقدر يسعدني .. انا احبه .. ليش مارضيت عليه .. اوووف .. خلاص .. ماعاد للحجي أي معنى الحين ..
الحين بس .. بتبتدي حربي معاك ياعزوز .. وبنشوف منو الخسران انا ولا انت !!!!
>>
الجانب الثاني
سيارة عزوز
كان تلفوني يرن .. وكنت احطه صامت .. حسيت باستغراب خالد .. وحسيت انه شاك بشي !! .. سكت ماعرفت شقوله ..!! ..
ادري مراح يفهمني وبتظل هذي اخته يعني .. وانا صرت اكلم عبير لمجرد الكلام بس .. يعني اهي وحده فاضيه وتبي تتسلى .. وانا ابي احد احاجيه .. ادري هالكلام ماهو مبرر .. بس احساس فيني بالانتقام .. ودي احر قلب شيوخ .. ودي اشفي غليلي منها .. وكلامي مع عبير .. يحسسني بالانتصار .. صدقوني
خالد : منو هذي ؟
انصدمت .. توقعت ان خلود شاك بشي .. بس شدراه انها بتكون وحده !! .. وتعرفوني مااعرف اجذب على خلود فقلته على طول ..
عزوز : عبير .. اللي كلمتك عنها !!
خالد : وللحين تدق عليك ؟
عزوز : لي باجر ..
خالد : عزوز .. ماوصيك على شيخه .. صح اهي عنيده وراسها يابس .. بس رخوا الحبل شوي .. والله ان مافي منها لو كلمتها بعقل .. وبطلوا سوالف اليهال اللي مامنها فايده هذي
عزوز : اوووف خلود .. انت ماتعرف شيوخ كثري ..!! .. هالبنت أي شي اقوله ولو كان عاجبها لازم تناقضني .. اهي جذيه مخلوقه بالمقلوب .. انت ماعليك .. انا لو .... انا لو مااحبها .. ماتحملت عنادها .. وانت تدري شكثر اعزها .. ومن متى .. لاتوصيني على روحي خلود .. شيخه روحي ..
حسيت ان خالد ارتاح من الكلام اللي قلتله .. وانا بعد ارتحت .. مهما تسوي .. انا راضي .. صج مرات تنرفزني .. بس راضي .. والله راضي .. مو بيدي .. لو بيدي جان ماحبيتها .. ولاتعلقت فيها جذيه .. تدرون .. مشتاق لعيونها .. للحين ماشفت عيونها عدل .. عيونها هذي بس .. قصه ثانيه .. تخليني اسافر بعييد بعييييد .. اخخ ياشيخه .. ماادري متى بنرتاح ..
بعد ربع ساعه
وصلنا بيت ابوي .. سلمت عليه .. ووصيت خلود يطل عليه كل يوم .. وعطيت خط يديد للسايق اكلمه من هناك .. من يدري بعد شنو يصير ..
الكل كان ناطرني بالسيارة .. حركنا ورحنا بيت ابو ناصر لان الكل مجتمع هناك يبون يسلمون على شيخه .. وبما ان الخالات مايطبون بيت عمي بوخالد بسبب زواجه .. فتجمعوا كلهم هناك .. بس عاد دام السالفه فيها ناصر .. نزلت انا وخلود .. واول ماصلت حصه واصفطت .. قربت صوب السيارة ومن افتحت شيوخ الباب مسكتها من ايدها ..
شيخه بصوت واطي وهي ترص على ضروسها : هدني .. انت ماتستحي !!
عزوز : شششش ولا كلمه .. وامشي يدامي .. وخليني المح عيونج على نصور . .اشلعهم من مكانهم
تميت ماسك ايدها مثل الشرطي اللي ماسكله حرامي وخايف انه ينحاش منه .. كنت احس بالضيق لاني مااحب احسسها انا اغار عليها .. بس مو بيدي .. كان ودي اشلعها من هالمكان ونمشي .. كنت اشوف خلود يبتسم . . ماعلي من احد .. المهم احر قلبج ياشيخوه .. واقطع اخر امل يعلقج بناصر ..
دخلنا كلنا البيت .. والحمدلله ان الريايل كلهم كانوا بالدوانيه .. والحريم بالصاله .. هديت ايدها اول ماقالي خالد تعال الدوانيه .. كنت متردد اخاف نصور قاعد بالصاله .. مشيت وانا متاضيق واول ماشفته بالدوانيه ارتحت ..
تمينا شوي قريب عشر دقايق .. وقلت لخالد نمشي .. لان بنمر بيت ابوه ومايمدي .. الطيارة موعدها قرب ..
اول ماقمنا وسلمنا على الريايل شفت نصور قام وحتى ماسلم علينا جليل الحيا .. وللحظة فكرت انه يمكن يكون رايح لشيخه .. علشان جذيه عجلت بالسلام وبسرعه طلعت
خالد : شفيك عزوز .. بسم الله تقول مقروص !!.
عزوز : روح شوف شيخه وينها خلنا نمشي ؟
خالد : عزوز .. ينيت .. ماصارلنا عشر دقايق من قعدنا
عزوز : خلووود روح شوف شيخه .. ولا ادش عليهم الحين .. الحيوان نصور ماادري وين ذلف
استوعب خالد اللي افكر فيه ودخل الصاله .. وانا تميت بره والف فكره تحوس ببالي .. اكيييد كيييد شافها .. ومو غريبه يكون قعد معاها ولا قاعد يكلمها الحين .. والله والله لاذبحك بيدي هذي ..

الجانب الثاني
شيخه
دخلت بيت خالتي ناديه واعصابي تلفانه .. عور ايدي هالمينون .. كنت اتحسس ايدني يوم شفت خالاتي والبنات .. سلمت عليهم وهم يباركون لي .. وبطرف عيوني لمحت .. ليلى .. تذكرونها .. عاد هني سويت روحي مستانسه واضحك حتى حصوه بققت عيونها فيها .. وجنها مستغربه هذي شفيها .. صاحيه هههه
الصراحه . . كنت احس ان ليلوو تميل لعزوز .. يعني .. تعرفون انتوا سوالف الحريم وحتى لو ماكنت اطيق عزوز .. بمثل يدامها اني مستااااااانسه وسعييييده
قربت وانا اسلم عليها ..
شيخه : الفال لج ان شالله
ليلى : تسلمين .. بس شكلج مادريتي !
انصدمت : شنو ؟
ليلى : انخطبت ..
بل مامداها .. بسم الله ؟
شيخه : صج .. متى .؟؟ ومنو مقرود .. اقصد سعيد الحظ ؟
ليلى بنظرة كلها غرور : ناصر
شيخه : نعـــــــــــــم !!
هديتها ورحت عند مهاوي وانا مفوله .. ماادري شصار فيني والله ماادري ...
شيخه : من صجكم خاطبين هذي حق نصور !! ؟؟؟
مها :شششش وطي صوتج فضحتينا .. والله لا يسمعج عزوز يدفنج بالارض ..
شيخه : ينيتوا انتوا .. قلوا الحريم تخطبوله ليلى ؟؟
ويرتني مهاوي بعييد شوي ..
مها : تعالي .. تعالي يالفضيحه .. شفيج !!
شيخه : ماابي .. قوليله والله والله ان خذاها لاني بنت خالته ولا يعرفني ..
مها سكتت شوي : ........... ممكن اسألج سؤال ؟؟
شيخه : ....
مها : الحين انتي مو رفضتي نصور .. شكو بعد تدخلين باختياره ؟؟
شيخه : ياحبيبي .. اهوا اللي مختارها بعد !!! صج ماعنده نظر ؟؟
مها : انت تحبينه ؟
شيخه : ينيتي انتي ؟؟ لو احبه مارفضته ؟
مها : عيل بس حب استملاك . ماتبين الشخص اللي حبج .. يتزوج غيرج ويتم عايش على ذكراج
ويرن تلفون مها وكان خالد
مها : هلا حبيبي ؟
خالد : هلا حبيبتي .. فيه احد غريب ولا ادش ؟
مها : لا فيه حريم .. ليش وين عزوز ؟
خالد : طلع .. اخوج وينه ؟
مها : ناصر . .مو بالدوانيه ؟
خالد : لا طلع قبل شوي .. زين قول لشيخه تتزهب يله عشان نمشي ..
مها : ليش احنا محنا ياين ؟
خالد : لا .. عزوز يقول خلكم .. اهوا بيروح يسلم على ابوي وبيمشون
مها : زين اوكيه يله باي ..
خالد : باي
مها تكلم شيخه : اقولج .. خالد يقول يله طلعي عزوز ينطرج ؟
شيخه : وانتوا ؟
مها : عزوز يقول ماله داعي نوصلكم .. وبعدين انتوا بتمرون بيت ابوج .. يعني تعرفين شلون زيارتنا صعبه هناك
شيخه : بس انا ماابي اروح معاه بروحي !
مها : اكيد خالد بيروح معاكم .. لان بيرد سيارة عزوز ..
سكت .. حسيت بقهر .. بس ماادري ليش كان خوفي من شوفة ابوي اكبر من أي خوف ثاني ..
طلعت بعد ماسلمت على خالاتي وحصوص ومها .. بجيت .. اول مرة افقد السيطرة على دموعي يدام الحريم .. كنت خايفه .. كنت محتاجه امي .. والله محتاجتها .. محد يحس فيني كثرها ..
طلعت وانا امسح دموعي وقعدت بالسيت اللي ورى بعد ماشفت خالد وعزوز ركبوا .. كنت بعالم ثاني .. كنت احس تفكيري تشتت مابين خطبه نصور .. وشوفه ابوي .. والسفر
وصلنا بعد عشر دقايق .. دخلنا البيت .. ولاول مرة احس بوحشه بيتنا .. كنت ماسحه خالد من هدومه .. خايفه .. وهو حاس فيني اني خايفه .. وقام وحظن ايده على جتفي .. ومشينا .. لقيت ابوي قاعد بالصاله ..
مااجذب عليكم ان قلت لكم .. ياني شعور اني ايي واطيح بحظنه وابجي .. كنت مشتاقتله فوووق ماتتصورون .. لكن الخوف من ردة فعله كانت كفيله بانها تخليني مااتحرك من مكاني ..
قربت وانا للحين ماسكه بهدوم خالد اخوي .. وسلمت عليه .وبست راسه وابتعدت .. لكن ماحسيت الا بايدينه تحضني .. وانا استسلمت لحضنه .. وقعدت ابجي. .. بجييت كثر هالشوق اللي فيني وكثر هالحزن اللي ملا ايامي ..
بوخالد : بس يبا .. خلاص لاتبجين
شيخه : لاتزعل مني يبا .. والله انا .. احبك
بوخالد : فديتج .. وانا بعد .. الله يوفقج .. وترى عزيز مافي منه .. حطي بالج عليه ..
رفعت راسي ومسحت دموعي ورجعت اوقف ورى خالد .. كنت احس بضيق ماادري شنو اسبابه .. سلم عزوز على ابوي ومشينا .. ركبت السيارة والهدوء عم المكان ..
الين ماوصلنا المطار .. حسيت ان نهايتي قربت >>> ياويلج ياشيوخ .. بيستفرد فيج هالوحش .. الله يعني عليك
خالد : يله شيوخ .. حطي بالج .. واي شي تبينه دقي علي وانا اييج على طول ..
صرت اهز راسي وانا مو مستوعبه .. كنت ساكته وحاسه احساس الخروف اللي مودينه للقصاب >> تشبيه تمثيلي طبعا .. ماني خروف .. والله يعني على الخروف اللي يمي ..
عزوز : خلود ماوصيك بابوي .. امانه عندك .. كل يومين طل عليه .. ودزلي تقارير الشغل اول بااول على فاكس الدوام .. شبغيت اقولك تعال شوي ..
شفت خالد وعزوز وخروا وقعدوا يتحجون .. ومادريت شقالوا .!
عزوز : ابيك تدزلي ماعندي فلوس .. خذ من ارباح المطبعه ودزلي بس اوصل انزين ؟
خالد : الله يهداك .. مو توك ساحب مبلغ .. شسويت بالفلوس ؟
عزوز : معاي للحين .. بس .. تعرف .. لازم اقعد شيوخ بمكان زين .. ويعني بنطلع رحلات بره لندن ..
خالد باستغراب : وشغلك ؟
عزوز بابتسامه ماكره : شغلي باجي عليه شهر .. انا قلت نسافر الحين لاني ان قلت لك الدورة بعد شهر ماراح ترضون
خالد : هههههههههه ايا النصاااااب
عزوز : ههههه شش لاتقولها تفضحنا الحين .. تكفى
خالد : زين .. ماوصيك عليها .. حط بالك ..
عزوز : افا عليك .. شيخه بعيوني ..
خالد : زين .. انا كلمت صلاح واهوا بينطركم .. وادزلك رقمه الحين على تلفونك .. يمكن مايدق سبحان الله ماندري شيصير ..
عزوز : اوكيه .. يله سلم على الاهل ..
خالد : وصل .. الله وياكم

صلاح ..
سكرت التلفون من خلود اللي بغيت اذبحه .. مااحب هالحركات .. ماااااحب اكون اكون اخر من يعلم .. جني مو ولدهم .. عيل ادري ان شيوخ وعزوز بيون اليووم !! ليش محد قالي من قبل .. اوووف
رفعت تلفوني بدق على محمد لانه تاخر .. بس لقيت تلفونه مغلق استغربت .. قلت انطر شوي الين مايوصل .. صارله ساعه وللحين ماوصل ..قمت احاتي ..
طلعت بره الشقه ووقفت بره يمكن اشوفه .. وتميت احوس شوي .. ولا يرن تلفوني .. شلته من غير لااشوف الرقم ورد علي واحد
mr. Salah ? ديفد :
yes , whose talking ? صلاح :
do you know someone called mohamad ? ديفد :
صلاح بخوف : يس
Can you come to egward hospetal >> iam sorry but he was hitten by car ديفد :
من سمعت هالكلمه ماادري شصار فيني .. كنت حاس انه بيصير له شي .. وعلى طول سكرت التلفون وطرت المستشفى ..
كنت امشي وبالي مو معاي .. ادعي يكون حمود بخير .. دقيت على الشباب واللي قدر يه المستشفى .. تيمنا بره بالممر .. ننطر الدكتور اللي دخل معاه بغرفه العمليات وللحين ماطلع .. كنا خايفين .. والجو كله كان موتر .. حطيت راسي بين يديني .. والافكار توديني وتاخذني ..
المطار
على الركاب رحلة رقم 221 المتوجهه الي لندن التوجه الى البوابه 2 .. شكرا
شيخه
من سمعت هالكلام واحس ان قلبي بيطيح بين ايديني .. كنت اشوف خلود اخوي يبتعد اكثر واكثر .. وبين ازعاج هالناس .. والاصوات العاليه والويوه الغريبه .. كان الخوف من اللي واقف يمي يطغي على كل شي .. كنت منأرفة بيني وبينكم .. ريال طول عمري كنت اكرهه واكره زوله .. طول عمري وانا هواش ومناجر وياه .. تخيلوا يعني .. يصير .. يصير زوجي وييييييييييييع .. وفوق كل هذا .. شخص كان السبب بوفاة امي .. بوفاه الغاليه .. حسيت ان كل الذكريات ردت بقوة هالموقف .. ناظرته بعين كلها كره وحقد .. حسيت اني يمكن مااقدر اكمل وامشي معاه الين اخر الممر .. يمكن .. يمكن انحاش ..
بس وين اروح .. ولو درى عني ابوي شيسوي فيني .. !!! طردت هالفكرة الفاشله من راسي وحاولت ادور فكرة ثانيه ..
كنت امشي وراه مثل .. الخروف .. جني صخله مربوطه .. اووووف ... شوي شوي .. شفيه هذا ييمشي بسرعه يبا الطيارة ماهي طايرة عنا لاتموت بس ..
وقفت لما سمعته يقولي .. (( اوقفي هني .. انا بروح اختم الجوازات واناديج ))
وراح ..
تميت واقفه مكاني اشوف العالم .. وبالصدفه .. شفت رفيجتي
وبتردد اني اروح او لا .. كنت خايفه لايعصب عزوز ان يا ومالقاني .. لكن بالاخير فكرت اني اكشت فيه >> ومااحط له اعتبار ولا اكبر هالافكار براسه عشان لايصدق روحه .. خل يولي ..
وبثقه اكبر رحت صوب رفيجتي اللي من شافتي ابتسمت ولمني بقووووة ..
عايشه : شيوووخ انتي ويينج ؟؟؟ شهالغيبه حتى تلفونج ماتردين عليه .. عسى ماشر ؟
شيخه : ماشر يالغاليه .. بس كنت شوي تعبانه
عايشه : عارفة عشان وفاة الوالده .. الله يرحمها ويغفرلها ان شالله .. ويسكنها الجنه .. بس شيوخ مو جذيه .. امج محتاجه لشي احسن .. وافضل .. صدقيني .. الدموع عمرها ماسوت شي .. بالعكس اهي تعذبها .. ادعيلها شيوخ .. وتصدقي لها .. هالشي الوحيد اللي هاي محتاجته .. وصدقيني اهي مكان احسن من هالدنيا بمليون مرة ان شالله .
شيخه
كلام عايشه كان مريحني مريحني حيييل .. كنت اسمع لها وانا ساكته .. رغم الازعاج والناس والوضع اللي احنا فيها .. الا اني كنت محتاجه احد يسولف لي عن امي .. احس بالامان حتى من ذكرها .. ادري بتفولون ابالغ .. بس محد يعرف غلاها بقلبي شكثر .. ومحد يعرف شكثر انا محتاجتها وفاقدتها ..
فجأة قرب من صوبنا شاب .. وطلع اخو عايشه
فارس : السلام عليكم
شيخه : وعليكم السلام والرحمه ..
فارس : اسف قطعت كلامكم .. يله عايشه .. لازم نروح الحين
عايشه : لحظة فارس ... شيووخ وين رايحه ؟
شيخه : لندن .. وانتي ؟؟
عايشه : حلفي ؟؟؟؟ ........ انا بعد رايحه لندن ... الله ونااسه .. انتوا أي طيران؟
شيخه بانحراج ..: مادري والله ...
فارس : زين اذا بتكونون معانا .. عالاقل تفكيني من حنة عواش شوي
شيخه : هههههههههههه
ومامداني ضحكت والا اشوف الزفت وراي وماسكني من ايدني بقووة وبصوت باين فيه الغضب
عزوز : يله شيخه .. نمشي
شيخه بنفور وخرت ايده : زين ..
يله حبيبتي عواش .. اشوفج .. رقمي فاتحته الحين .. دقي علي خليني اشوفج اوكيه ؟
عايشه : اوكي .. ان شالله .. خلينا نشوفج شيوخ ..
شيخه : صار حبيبتي .. يله بيباي
وخرت عن عايشه ومشيت ورى هالحمار ... قلت بصراخ : وخر ايدك .. تعورني شفييك !!!!!
عزوز وهو يرص على ايدها اكثر : لما اقولج تتمين بمكانج يعني تتمين .. ماتذلفين ولا مكان فهمتي .. انا مو كل شوي بقععد ادورج ..
شيخه : ليش .. شاريني انت ..
عزوز : قصري صوتج .. وامشي يدامي .. ترى ماطايق اسمع حسج كلش
مشيت وانا النار تغلي بقلبي .. جذيه يفشلني يدام البنيه .. حتى ماكلف خاطره يسلم على اخوها شهالذوق !!!!!!!
عزوز
بغيت اذبحها .. شسوي فيها .. اهدها شوي .. اشوفها تتضحك مع الريايل .. اااخ ياشيووخ .. هييين .. والله والله لانسيج اليوم اللي ولدتي فيه .. هين

الطيارة :
شيخه
ركبنا الطيارة بعد حوسه وانا ميييييييييييته من الخوف .. خايفه لاني احس اني بروحي مع هالوحش المتبلد .. ماتقولون اللي وياه بنت .. يمشي ولا حتى يطل يشوفني انا وراه ولا لا ... كنت خايفه لان اغلب اللي بالطيارة كانو اجانب .. وعايشه بعد ماشفتها .. كنت كل شوي اتلفت اشوف عزوز يدامي ولا لا ... وبس اطمن انه موجود .. ارتاح ..
ركبنا في السيت اللي يدام >> يعني سيت الدرجه الاولى ... كشششخه >> ماعمري ركبت بالدرجه الاولى يعني .. فكنت مستغربه عزوز من وين له كل هالفلوس يقعدني هني .. وتذكرت فلوس امي .. وقتها مااهتميت حييل لان كنت اشفق عليه واقول يله نحسبه اخو .. لكن بعد اللي سواه .. حرام فيه كل فلس امي عطته ياه .. مايستاهل ناكر العشره شي ...
قربت منا المضيفه اللي كانت لابسه تنورة قصيرة يادووب مغطيه ريولها والمكياج ترس الويه واللبس والحاله .. وتكلم عزوز اذا بغينا شي ندق على الزر السحري مالهم >> هههه ماادري يقول الحين الخدمة كلش .. يعني اذا ذبحوا روحهم قهوة وبسكوت .. ومخده علشان نخمد ونفكهم من سوالفنا ...
يتني الضحكه وانا اشوف عزوز حايس .. شكله متوهق .. ناسي شي ماادري .. عاد انا شكو فيه .. واول ماعطتنا المضيفه ارقام السيتات .. وطلعنا مو يم بعض .. طبعا انا من داااخل ارقصصصصصصصصصصصصص من الونااااااااسه ..
عزوز : بليييز .. معليه تبدلينا بسيت ثاني ..نبي كراسي يم بعض
شيخه : ومن قالك ابي اقعد يمك ؟
عزوز بنظرة خلتني انطم .. حسيته الحين بيكفخني ...
شيخه : مابي اقعد يمك .. غصب !!
عزوز يلتفت لي : اوكيه .. مثل ماتبين .. انا اخليج بايي
تخيلوا ... عزوز ماادري وين رااح .. لييش هدني .. انا اخاف بروحي ... ياويلي
بغييت اناديه بس بعدين سكتت .. شنو بيصير فيني يعني .. ولا شي .. خله يذلف وين مايذلف .. المهم بعيد عني ..
قعدت انا بالسيييت ويمي كان فاضي .. مافيه احد ..وبعد شوي اشوف واحد هندي يه وقعد يمي ... اااااااووووف .. كنت ببجي اول مرة احس اني ببجي من الارف ..
فتحت التلفزيون اللي يدامي .. وانا اشوف اللي يمي متابع فلم .. ولا طلع فلم لشاروخ .. عاد حطييت السماعه وقعدت اتابع .. بس كرهت روحي .. ماادري ليش .. حسيت جني قاعده بالهند .. والحبيب اللي يمي عايش الدور وكل شوي يغمز لي ..
اووووف يااللله .. ارحم حالي .. مو متحملته ..
لفيت راسي صوب الدريشه وانا اشوف الطيارة ترتفع شوي شوي .. الين ماصارت الارض تحتنا صغييييييرة .. صغييييرة حييل ..
حسيت وقتها بس شكثر احنا مانسوى شي عند رب العالمين .. والانسان يظلم ويستبد وياخذ حق هذا .. وياكل فلوس ذاك .. وماايدري في النهايه انه راح يكون ولا شي ... يتمنى لو كان رذاذ يطير مع الهوى .. ولا انه يلاقي ربه بكل الللي سواه ..
سندت راسي على السيت .. وهالافكار تراودني .. وماحسيت بروحي الا وعيوني تسكر .. وانام
عزيز
كنت ابعد عنها بثلاث لاينات .. كنت اشوفها بس هي ماتقدر تشوفني .. كل شوي اطل عليها .. خايف .. هذي مينونه ماتعرف تتصرف .. وبنفس الوقت .. مااعرف اتم بعييد عنها .. يوم شفتها مسنده راسها على السيت وتشوف الدريشه .. حسيت بكل شي يجرني صوبها .. ماقدرت امسك روحي اكثر ..
شيخه
فتحت عيوني شوي شوي .. وانا ارفع راسي واحكهم .. وركزت بالويه اللي كان راسي عليه ... ومن الصدمه فتحت عيوني على الاخر !!
شيخه : بسم الله .. انت من وين ييت ؟
عزوز : لقيتج حاطه راسج على السيلاني اللي كان يمج .. عاد قلت انا اولى .. ويت قعدت مكاانه !!
شيخه بصدمه : انااااااااا !!!!!
عزوز : عيل انا ؟؟ ...
حسيت ويهي شب ضووو ... اكييد يقص علي .. اكيييد .. وووووووووووع ... انا حطيت راسي على كومار اللي يمي .. ياويلي
شيخه : وانت شيابك ؟؟؟ ترى كنت مرتاحه بلياك !
عزوز : الريال يه واشتكالي ... خفت تسويين شي زايد بعد وابتلش .. ولا مو حبا فيج ترى ...
شيخه : استح على ويهك ... يالحقيـ ــ
عزوز : اشششششش .. احنا مو في البيت .. صكي حلج احسن .. ياحلوج اونتي نايمه تدرين
>> ماادري شلون طلعت مني هالكلمه .. اول مرة امدحها بشي .. بس والله كنت اقصدها .. يوم شفتها نايمه على السيت مااقدرت اقاوم شكلها .. وغرت .. غرت لاحد يشوفها .. وعلى طوول .. ييت عند الهندي وكلمته يبدل مع سيتي لانها زوجتي وسويت له فلم هندي وكسرت خاطره .. ولا شعوريا حسيت روحي اسحب راسها واحطه على جتفي .. ماتتصورن شكثر كنت مرتاح .. لدرجه اني تمنيت نتم جذيه على طول ..
شيخه بضيق وتلتفت : اوووووف
اخذت انا المجله المحطوطه يدامي وقعدت اقرى فيها .. الين ماحسيت بملل .. وكل شوي التفت عليها واشوفها من الجام العاكس على ويهها .. واشوفها سرحاانه .. سرحانه بمنوو !! .. اكيد فيه .. نصور مااغيره .. اكييد تتمناه .. وتكرهني ..
ومن الافكار بس .. حسيت بالنفور منها .. سكرت المحجله بقوة وقمت رحت الحمام اغسل ويهي لاني احس بضييق
وانا طالع من الحمام .. شفت رفيجتها هذي مع الريال اللي كان معاها .. ماادري اخوها ولا ريلها ؟؟ .. شكله اخوها لانه يشبهها ..
المهم ماعطيتهم اهتمام ومشيت صوب مكاننا .. وقعدت وهذي للحين سرحانه ولا حتى طلت فيني .. وهالشي يخليني احترق .. ومامرت خمس دقايق الا ورفيجتها يايه
عايشه : شيوووخ .. انتي وينج ؟
شيخه بانشراح : هلا والله .. انتي وين قاعده ؟
عايشه : بالسياحيه .. تعالي في كراسي فاضيه وايد خل نسولف ..
شيخه : اوكيه يله يايه وراج
ومشت عايشه .. عاد انا قمت بروح ومااشوف الا بايد تسحبني
عزوز : وين ؟
شيخه بتأفف وهي تربع ايدها : ماسمعتني شقلت حق البنيه ؟
عزوز : اقول قعدي مكانج ماكو روحه ..
شيخه : مو على كيفك !
عزوز وهو يرص على ايدي حييييل ويقعدني وبنظرة حسيت اني ذببت منها ..
ولاشعوريا قلته بانكسار : شتبي فيني .. فكني ..
وماحسيت فيه الا غمض عيونه بقوة .. بطرقه اربكتني .. واخذ نفس طويل .. وهدني ومشى .. ماادري لييش .. حسيت روحي ببجي .. حسيت روحي منهارة .. حتى ماقدرت اقوم من مكاني واروح للبنت .. قعدت مكاني .. وانا ملتفته صوب الدريشه وقعدت ابجي من قلبي ..
مرت اربع ساعات والكابتن يقول الحين بيتم الهبوط .. وعزوز مابيين !!! .. وينه ؟؟؟
الناس قاعدة تجهز اغراضها بتمشي .. وانا هني بروحي .. اول مرة احس بالخوف جذيه .. قمت من مكاني وصرت اتلفت يمين ويسار .. يمكن اشوفه .. حسيت بايدي ترجف يوم شفت الكل قام من الكراسي ويطلع اغراضه من فوق ويمشي .. وين عزوووز ... وييييييينه !!!!!!!
ماحسيت الا بدموعي تنزل .. كنت خايفه مااعرف احد هني .. ولا اعرف اتصرف .. ولا معاي شي .. طلعت مع الناس لاني اخاف اقعد بروحي .. وكنت احس ريولي ماتشيلني من الخوف .... وييييييييييين عزووووووووووووز!!!!!
__________________



شيخه:
وييييييييييين عزووووووووووووز ..... ويييينه
كنت اصرخ من داخلي وعيوني على كل اللي قاعدين يطلعون من الطيارة .. بس ماشفته
لاشعوريا كنت ابجي .. ودموعي تنزل على خدي وانا امسحها .. ولما شفت الطيارة فضت
خفت اتم بروحي .. ونزلت مع الناس .. وانا ادور ويهه بين الناس .. كنت ارجف .. وابجي .. كانت فكرة اني بروحي تخليني ابجي بخوف موطبيعي .. دورت تلفوني .. وقلت يمكن يشتغل هني .. واول مافتحته واشتغل .. اكتشفت اني مااعرف رقم عزوز .. دورت باللسته اللي عندي وبرجفه ايديني .. قدرت القى رقم عايشه ويوم دقيت طفى جهازي لان مافيه شحن .. حسيت اني منهارة وريولي ماعادت تشيلني .. قعدت بمكاني .. وانا اصييييييييييح .. الين ماشافني واحد من السكويرتي >> وقرب صوبي وسألني
الريال : can I help you madam ?
شيخه : hmm >> I lost my husband >> he was with me in the plane but llost him
الريال : ok sis you can come with me to the resiption
مشيت وراه بعد ماهزيت له راسي .. كنت يمكن الزق فيه من الخوف .. تخيلوا .. حالي ببلد غريبه علي حتى مو عربيه ... والناس اللي حوالي وانا ماعندي ولا اثبات ولا شي .. كنت امسح دموعي وانا ساكته .. ويوم وصلت الرسبشن .. خذا اسم عزيز الكامل عشان يناديه ويي عند مكتب الامن .. والمكتب كان كله اجانب وشلون كانوا يطالعوني بنظرة استغراب .. عقب ياني واحد منهم كل شوي يخزني ويروح .. مت من الخوف .. قعدت مكاني بارتباك .. وبالاخير ضحك بويهي وغمز لي .. وكان يحاجي رفيجه ويخزني .. وبالاخير قالي وهو يقعد جبالي بالضبط
الريال : your eyes is very buitifull
وطبعا انا جنه احد معطيني كف على ويهي .. الناس تستانس لما احد يمدحها وانا قعدت ابجي بهسترة .. والريال يحاول يهديني ماادري شيقول لما شافني ابجي جذيه بس ماكو فايده .. كنت احس ان اللي حواليني كلهم يخوفوني .. الين ماسمعت طقة باب رفعت عيوني وشفت عزوز .. ولا شعوريا .. يييييت عنده ومسكت هدومه بقوووووووة وقعدت ابجي ..

الجانب الثاني :
عزوز
بعد ماسمعت هالكلمة اللي كانت مثل السجين بقلبي ... حسيت اني مخنووووق .. وماقدرت اتم اكثر .. قمت وفارقتها .. لقيت كرسي فاضي صوب السياحيه وقعدت ..
سندت راسي على السيت وانا احس بضيقه مابعدها ضيقه .. مسحت ويهي وشعري بيديني وانا اطالع الدريشه بره ..
اطلقها !! .. >>> لا مراح اطلقها ... ادرري انها ماتحبني .. وانا بعد مابيها .. بس بعذبها مثل ماعذبتني .. كل هالسنين ..
وبعدين ان طلقتها خذاها نصور ... مستحييل .. لو تموت مايصير هالشي ... لو على موتي ..
كنت احس بدوار مو طبيعي .. رجعت سند راسي على السيت وماحسيت بروحي الا وعيوني تغمض ..
بعد مرور 4 ساعات .
عزيز
صحيت لما سمعت صوت ضجه وحركه بالطيارة .. فتحت عيوني وشفت ساعتي .. وكانت 6 .. قمت بسرعه اشوف شيوووخ .. بس كان الممر زحمه وماقدرت امر .. نطرت دقايق .. الين مامشوا العالم ورحت صوب سيتها مالقيتها ..

ينتيييت .. ينيييت الا شوي .. صرت ادورها بكل الكراسي وويوه العالم .. كنت متوتر وعقلي مو معااي .. وعيوني تروح يمين ويساار .. اسأل هذا واسأل ذاااك ...
فضت الطيارة .. ومالفيتها .. واغراضها مو هني .. تذكرت التلفون .. فتحته ودقيت عليها .. بس جهازها مغلق ..
سألت طاقم الطيارة .. عن مواصفاتها .. بس ماشافوها .. وقالولي انزل اسأل عنها بالمطار .. يجوز انها نزلت مع الناس
كنت اشبهه بالمينون اللي مضييع عقله .. مو بس عقله الا قلبه وروحه ... صرت اسب روحي ليش هديتها .. ليش خليتها بروحها شيوخ تخاف وماتعرف تتصرف ..
طلعت بره وسمعت الامن ينادون باسمي .. وعلى طوول .. رحت صوب مكتبهم .. وفتحت الباب ادور حبيبة قلبي.. وروحي ودنيتي ..
ومن بين الويوه .. لقيت حبيبتي قاعده ودموعها اللي تنزل على خدها وهي تمسحها بايدينها >>> تميت على حالي جذيه اخزها بذهول .. بذهول شلون ضاعت مني هالوقت .. شلون ماقدرت اعيش بلياها ساعات .. وتبوني اطلقها .. امووت لو طلقتها اموت
ناديتها بصوت ماادري شلون طلع : شيخه
رفعت راسها ويتني تركض وهي تمسكني من ايدي حييل .. استغربت .. كانت ايدها ترجف .. حطيت ايدي بطريقة جني حاضنها على صدري .. وانا اكلم الامن ..
بس رجفتها وترتني .. كانت ايدينها حاضنه ايدي بقوة وشكلها مصدوم ماادري من شنو .. قطعت كلامي مع الامن ورفعت راسها ..
عزيز : شيووخ .. شفيج ؟؟ قوليلي
شيخه تهز راسها برتجاف .. وتمسكني اكثر ...
خفت .. لكني تميت ماسكها يمكن تخف رجفة ايدينها .. وخلصت باجي الاجراءات وطلعنا .. وانا مستغرب منها اكثر .. خوفها يفسر ان فيه شي ..
رفعت راسها صوب ويهي وتميت اطالع بعيونها اللي متروسه دموووع وسألتها ..
عزيز : شيووخ شصاير ؟؟ ليش خايفه جذيه .. احد قرب منج ..
هزت راسها بتردد وقالت لي ..
شيخه برجفه : ايه
ينت ينوني .. وفتحت عيني على الاخر ووقفت بمكاني وانا ماسك ايدها واقولها
عزيز : منو ؟
لقيتها تتنفس بقوة وانفجرت تبجي ..
عزيز : شيوووووخ ... تحجي .. شسوى فييج ... منو منو ؟؟؟؟
شيخه : هذاك الريال .. اللي كـــ ــ ـان داخـ ــ ل ..
عزيز : انزين .. اهدي حبيبتي .. اهدي .. شوي شوي .. تعالي شربي ماي وقوليلي شصار بالضبط
كنت اكلمها بنبرة هاديه لكني من داخل شاب ضو .. كنت ابي اطمنها واخليها تتحجى باي طريقه .. النار اللي فيني مو راضيه تطفي ..
قعدنا على سيت بالمطار وقلتلها ..
عزيز : شوي شوي حبيبتي .. قولي ..
كانت تتنهد وهي تتححجى.. وقالتلي
شيخه بارتباك وغصه دموعها تخنقها: الريال اللي كان قاعد على الكرسي الاشقر .. قالي عيونج حلوة وكان يخزني .. خرعني
وغطت ايدها بويهها وقعدت تبجي ..
انا من الصدمه .. سكت .. بعدين غشييييييييييييييت من الضحككككككككككك
الجانب الثاني
كنت خايفه .. كان كل شي يخوفني .. لما يه عزوز ماحسيت الا بروحي اركض عنده .. ابيه يوديني الكويت خلاص مابي اروح مكان .. ابي اررد البيت ..
ويوم قلتله الريال شسوى .. انصدمت فيه يضحك ..
تخيلوا .. شهالاحساس والبرود اللي فيه .. انا ابجي وخايفه وهذا يضحك .. فتحت عيوني عالاخر وانا اقوله
شيخه : تضحك !! ؟؟؟؟
عزوز : هههههههههههههههههههههههههههههههههههههههههههههههههه هههههههههههه
انتبهت على روحي اني كنت يمكن لازقه بعزوز من الخوف .. وخرت عنه ومسحت دموعي وانا اقوله
شيخه : ردني الكويييييت ..!!
عزوز : هههههههههههههههههههههههههههههههههههههههههههههههههه هههههههه
صرخت عليه بقوووووة خلته يسكت : ردني الكوييييييييييييت ماتسمع !!!!!!!!
عزوز : امشي امشي يالياهل ..
وقام من السيت ومشى وانا للحين قاعده بمكاني .. التفت علي وقال
عزيز : ايه صج .. خليني اربطج بحبل ولا شي اخاف تضيعين ههههههههه
شيخه : يالسخيييف يالبااايخ .. انا شللي قردني ويت معاك .. الحين بدق على صلوح يفكني منك
وحسيت بعزوز يقر ب مني اكثر .. حسيت بنفور .وكشيت بمكاني وانا التفتت بتوتر واقول
شيخه :وخر عني .. استح على ويهك
عزوز بابتسامه : ليش اوخر ؟؟ مو مرتي ؟؟
شيخه : مرتك بعينك .. تحلم انت .. وخر احسن لك ..
عزوز : ههههههه توج لازقه فيني ومو هادتني .. يالعيارة
توترت وحسيت ودي لو الارض تنشق وتبلعني وحسيت ويهي قلب الوان .. بس ماحاولت ابين هالشي له عشان مايصدقه ..انا كنت خايفه وكان اهوا يتعبر لي اهون الموجودين .. لكن ابد ماكان شعور ثاني اتجاهه ..
شيخه : كنت خايفه .. ولا مو حبا فيك .. وخر
وخرت ايده عني وقمت بتوتر ورحت بعيييد عنه شوي .. وهو يخزني ويضحك وعقب قال
عزوز : ياااهل هههه امشي خلصيني
مشيت وراه من غير اي حرف .. كنت بس اتأكد انه يدامي .. خذينا جناطنا واغراضنا وطلعنا .. عزوز كان يدق على صلااح بس مارد علينا وعقب ياني وقال
عزوز : دقي على صلاح .. مايرد علي ؟
شيخه : جهازي طافي مافيه شحن
عزوز : اكو احد يسافر ومايشحن تلفونه ؟
شيخه : والله مو شغلك عاد ...
عزوز : خلاص عيل نروح الشقه .. وندق عليه عقب
قال هالكلمه وهو يمشي .. بس انا تجمدت ريولي بمكاني .. ووقفت بذهول ..
شيخه : اي شقه ؟؟؟
عزوز باستعباط : ممم ماشفتيها الحين بتشوفينها ..
شيخه : انا بقعد مع صلاح .. وانت تدري
عزوز : لا ماادري ..
شيخه بصدمه : انا .... قلت حق خلود اخوي .
عزوز : محد قالي .. لو دريت جان مااجرت شقه هالكبر .. جان خذتلي غرفه بفندق .. ليش ماقلتيلي ؟؟
شيخه : مابي انا برد مع صلاااح
عزوز : وصلاح مايرد علينا .. تدرين عاد .. فكرتج حلوة .. انتي تقعدين عند صلاح وانا اخذلي غرفه .. جذيه احسن لي انا بعد
شيخه بفضول عفوي : ليش احسن لك
عزوز ينادي التكسي .. وحقرني .. وانا كنت ابي اعرف ليش يقول احسن لي ؟؟؟
شيوووووووووخ شفيييييج .. واحسن لج بعد .. انتي مكانج معاه غلط بغلط .. لاتنسين اللي سواه .. لاتنسين انه سبب بحياتج هذي .. لاتنسين انه سبب وفاة امج ..
حسيت من بعد هالافكاراني مو بس اكرهه .. الا انفر منه ..
قعدنا بالتكسي .. وهو قعد يمي وانا فتحت تلفوني احاول ادق منه قبل لايفصل .. بس ماكو فايده وهو قاعد يشوفني وساكت
عقب خذا تلفونه ودق ماادري على منو وتحجى بالانجليزي بكلمات بسيطه وسكر ..
ورد دق على خلود اخوي
عزوز : هلا خالد شلونك ؟؟ .. ايه الحمدلله تونا واصلين ... لا مايرد علي .. شوفه قمت احاتيه انا .. اوكيه .. يله باي
سكر التلفون وانا اذوني يمكن بتدش فيه .. ابي اعرف شسالفه وليش مايرد صلاح !!!
نفس الوقت
المستشفى
صلاح
التوتر خذا كل مأخذ فيني خصوصا لما قال لنا الدكتور انه حالته خطره ..دقيت على اخو محمد بالكويت وخبرته وقلتله يي لندن بس لا يعلم اهله عشان لا يخترعون ..
اغلب الشباب يوو المستشفى وكلنا ننطره يقوم من الغيبوبه .. الاصابه كانت بالراس واحتمال ينشل .. لكن كل شي بيد رب العالمين ..
تلفوني مادريت عنه من يوم مابلغنا الدكتور وقال مافيه داعي تتمون هني اهوا ببيلغنا باخر التطورات عن حالته لان احتمال مايقوم اليوم ..
دروت تلفوني مالقيته .. كنت احاتي عزوز وشيخه لا ينطروني بالمطار واناماطلعت لهم .. فكرت ارد البيت وادق على خلود يبلغهم اني مااقدر استقبلهم .. والين مارديت البيت وبلغته .. كنت واصل حدي من التعب .. حطيت تلفون الشقة يم اذني وغفيت على سرير محمد ..
وقفت بره الشقه وعزوز كان يدخل الجناط وعقب عطا راعي التكسي فلوسه وطالعني بنص عين
عزيز : ماتبين تدشين ؟؟
شيخه : لا
عزيز : بتمين واقفه بره ؟؟؟
شيخه : دق على صلاح
عزيز : هاج .. دقي عليه
وعطاني التلفون .. دقيت ودقيت بس محد يرد .. وعزوز يجتف ايدينه بيأس ويخزني
عقب قالي : وبعدين يعني ؟؟
شيخه : ردني الكويت
عزوز : خلينا نتفق اتفاق .. انتي ماتحبيني .. ولا انا احبج .. بندق على صلاح وبس يرد علينا وعد مني بوديج عنده .. جذيه اوكيه ؟؟؟؟
شيخه : ايه
عزوز : الحين دخلي اشوف ؟؟
دخلت وانا مرتبكه لكن احاول ماابين هالشي .. شفته وهو ياخذ جنطتي ويحطها بغرفه والغرفه الثانيه حط فيها جنطته .. استانست لاني راح اكون بعيد عنه ..وعلى طول دخلت الغرفه وسكرت الباب
الجانب الثاني
عزيز
يتني الضحكه وانا اشوف خبالها .. انا ادري انها خايفه ومتوترة .. ويحقلها .. بس معليش يالمغرورة .. ان ماخليتج تموتين في الارض اللي امشي عليها .. مااكون عزوز .. ووقتها عاد .. انتقم حلو ..
دخلت غرفتي وطلعت لي بنطلون رمادي مع تي شيرت ابيض حق البيت وطلعت فوطتي ودخلت خذيتلي شور سريع وعقبها ماحسيت الا وانا بساااااابع نومه

شيخه
طبعا مافكرت اطلع هدومي من الجنطه لان عزوز قالي بروح عند صلاح ..بس اخذتلي فوطه وتسبحت على السرير و طلعت لي ملابس يديده ..بلوزة بيضا موديلها اسباني على الجتف ولها قصه على الصدر بعدين توسع شوي مع تنورة بيجيه لوويست وفيها كسرات .. قلت البس شي خفيف لان داخل الشقه دفا وطلعت عبايتي وشيلتي يمكن صلاح يي الحين اكون جاهزة ..
قعدت انشف شعري بس تم مبلول للحين على اطرافه وتوضيت وصليت .. وبدلت وعقب فتحت جنطتي اشوف شنو فيها ومافينها
لكن عيييييينكم تشوووف ... اول الجنطه كانت ملابس طلعه وجاكيتات وجنط وعطورات .. بس بالاخير .. كلها .قمصان نوم ....!!
ماكو ولا بجامه نوووم ..... وين بجاماتي .. هييييييين ياحصوص ومهااوي والله اوريكم .. شنام فيه انا !!!!!
فتشت بعد لقيت دفتري الازرق ياحلاته .. ولقيت لابتوبي ومكياجاتي كلها ماادري ليش يايبينها .. ولقيت صورة امي
خذيت الصورة ولميتها حييييل وبستها وحطيتها يم السرير
سكرت الجنطه وتذكرت ان تلفوني مافيه شحن وانا ناسيه ايب والبنات مو حاطليني .. اكيد عزوز عنده .. >> ابي ادق على صلاح يمكن يرد علي ..
وقفت عند الباب شوي . . اتاكد اذا فيه صوت ولا لا ؟؟؟ بس ماسمعت شي .. خذيت شيلتي وقطيتها على شعري جذيه يمكن يطلع بويهي فجأة ..
فتحت الباب وانا اشوف الهدوء مالي الصاله >> تبون الصج الشقه تهبل .. الصاله وسيعه ولونها بنفسجي وعنابي واثاثها باين عليه فخم حييل .. ويمها فيه طاولة طعام واربع كراسي بس شكلها جنان والديكورات متعوب عليها .. طلعت شوي وطليت على المطبخ الوسيع اللي جرانه من الرخام الاسود لقيته فاضي .. وعقب قربت شوي من غرفه عزوز اللي كان بابها مفتوح .. طليت .. لقيته ناايم .. وخطوات خفيفه دخلت ولقيت جنطته مفتوحه على الارض .. شوي شوي صرت ادور فيها الشحن .. بس مالقيته .. شفت هاند باك يم الجنطه وتوقعت القاه فيها .. فتحته شوي شوي .. ودورت ولفيته وبس قمت لقيت عزوز يدامي
شيخه : يما .. بسم الله
عزوز بعيون فيها نوم وهو يرجع شعره الاسود بيده لي ورى : شتسوين ؟؟
شييخه بارتباك : ولا شي ..
قرب عزوز مني ومسك ايدي اللي كانت ورى ظهري وبارتباك انفاسه اللي كانت تحرقني : اشوف شنو بيدج ؟
تدرون .. ماكنت خايفه اوريه .. كنت خايفه من قربه مني .. كنت متوترة ماعرفت اقول ولا كلمه .. ولا قدرت اشيل عيوني من عيونه اللي كانت تخزني بغمووض
خذا ايدي ورفعها وشاف الشحن وعقب ابتسم وقال : لهالدرجه تكرهيني .. ماتقدرين تنطرين الين مايي صلاح وياخذج ؟؟
هديت الشحن من ايدي ووخرت عنه ابي اطلع بره الغرفه ولا يمسك شيلتي ويطيحها من راسي
ارتبكت يوم شفته قرب مني ..
عزوز : مشكلتي .. اني مااقدر اعيش من غير عيونج ..
كان يكلمني وعيونه النعسانه ماشالها من عيوني .. غمضت شوي وصورة امي طايحه يت يدام عيني .. صورة كل شي صار بهالاشهر الكئيبه مر يدامي مثل الشرييييط ..
قلتله بنبرة كره ونفور : انا اكرهك .. تفهم !!
دزيته بعيد ورحت غرفتي ابجي بقهر ..

عزوز
انقهرت .. انا شفيني !!!! .. شفيني جذيه تخسبقت يوم شفتها .. ليش احس اني مااقدر اقاوم بعدها عني .. ليش لما تيي احس روحي ضعييف واضعف انسان بالدنيا .. اهي تكرهني ...!!!!!!! تكرررررهنييييي !!!
مسكت راسي بيأس واخذت تفس عميق كنت بطلع من الغرفه ولا اسمع تلفوني يرن .. رديت ولا خالد
خالد : هلا عزوز ها .. بشرني شلونكم ؟
عزيز :بخير الحمدلله .. ها دقيت على صلاح ؟
خالد : اهوا دق علي قبل شوي يقول جهازة ضاع وداق علي من الشقه .. ماقدر ييكم المطار .. رفيجه مسوي حادث
عزوز : لا حول ولا قوة الا بالله .. منو ؟
خالد : محمد جان تعرفه ؟
عزوز : اييه جم مرة شفته .. زين وشلونه الحين
خالد : يقول بغيبوبه هو رد البيت ارتاح له ساعه وبيرجع المستشفى
عزوز : مايشوف شر .. عيل شلون بنشوف صلاح ؟
خالد : انا عطيته رقمك واحتمال اليوم او باجر يدق عليك
عزوز : اوكي خلص ..
خالد : ها طمني شيوخ شلونها ؟؟؟
عزوز : ااااااااااااخ بسس >>> ربي يعيني
خالد : هههههههههههههههههههههه مو تحبها ؟؟؟
عزوز : يضرب الحب شو بيزل ؟؟ ههههههه
خالد : بل بل بل .. الله لا يبلينا .. حط بالك عليها مااوصيك
عزوز : بعيوني
خالد : يله تبي شي ؟
عزوز : سلامتك .. فما الله
خالد : مع السلامه
سكرت من خلود .. وفتحت الدريشه شوي .. حسيت بهوا نظيييييف .. ونشوة مو طبيعيه .. نفس الشعور احسه وانا بقرب شيوخ .. قبل شوي .. كنت احس ان دفا العالم كله وانا قريب منها .. عطرها .انفاسها .. ارتباكها .. خدودها الحمرا .. وعيونها كلها تخليني اتمنى اعيش معاها كل يوم اكثر من الثاني ..
طلعت لي جينز وجكيت رمادي مع بلوزةبيضا ولبستهم مع الشال وطلعت من الغرفه.. رحت صوب غرفتها وفكرت اقولها اني بطلع ايب شي ناكله انا وياها بس بعدين بطلت.. مابيها تحس اني انا بعد احبها .. خليني اعاملها بنفس الكره والنفور .. وبنشوف ..
طلعت بعد مااخذت تلفوني وحطيت لها الشحن عند باب غرفتها ومشيت
الساعه 10 ونص ..
عزيز
دخلت الشقه وانا مثلج من البرد .. الجو مو طبيعي بره .. دخلت الجياس المطبخ وفصخت شالي وجاكيتي وتميت بالبلوزة البيضا .. افتريت يمين ويسار .. ماشفت شيوخ .. معقوله للحين نايمه ..!!
رحت صوب غرفتها ولقيتها مسكرة الباب .. ماادري شلون منعت روحي وماطيقيت الباب.. اكيد اهي يوعانه !! ..
ممم .. لا .. لا زم اعاملها مثل ماتسوي وزود عشان تبطل غرور .. كملت طريجي صوب المطبخ وطلعت البيتزا وسختها بالمايكروويف واكلتها .. وبعدين طلعت اغراض اللي شريتها من السوبر ماركت وحطيتها بالثلاجه .. قعدت بالصاله افرفر بالتلفزيون بملل .. وانا منسدح ورافع ريولي على الغنفة .. ومتلحف بلحافي بونجوم >>> لاتضحكون انا من غيره مااقدر انام .. شلون يبته معاي ماادري
وانا افرفر بالتلفزيون سمعت تلفوني يرن على طاوله الطعام .. قمت اشوف منو وحسيت بفتحة باب غرفة شيوخ .. سويت روحي مو منتبه لها وكملت طريجي واخذت تلفوني وشفت الرقم .. وكاااااااانت عبيييييييييير >>> هلا وغلا باحلى عبييير
شلت التلفون وانا ارد مكاني واتلحف بلحافي
عزيز : الو
عبير : الوووو .. هلا عزيز .. انت وينك ؟؟ جهازك كله مغلق ؟
عزيز : هلا عبير .. انا سافرت !!!
عبير : سااااااافرت ؟؟؟ متى ووين وليش ؟؟
عزيز : هههه شوي شوي .. عندي دورة بلندن
عبير بصوت كله دلع وحزن : يالخااااايس ليش ماقلتلي ؟
عزيز : ماصارت فرصه اقولج .
عبير : زين وشكثر بتطول ؟
عزيز : ماادري .. شهرين ثلاث جذيه ..
عبير : الكويت مظلمة من غيرك حبيبي ..
انصدمت ... اوووف قووويه ... حبيبي !!!
عزيز : تسلميين والله ..
عبير : امم عزيز .. انا بسكر الحين وادق عليك بعد شوي اوكيه
عزيز بنبرة عاليه : ليش حبيبتي ؟؟ .. ماشبعت منج ؟؟
عبير بصدمه : والله !!!!!! .. انا حبيبتك ؟؟
عزيز : حبيبتي .. وروحي وقلبي وكل دنيتي ..
عبير : عطني خمس دقايق وادق عليك ياقلبي
عزيز : اوكي حبيييييبييييييتيييي .. يله بيباي
عبير : باي
سكرته منها وانا اسمع باب شيوخ يتسكر بقوووووووووووة .. قمت من الغنفه وقمت ارقص ههههههههههههه سمعتني سمعتني هياااااااااااااا
ومامرت دقيقه الا وهي طالعه .. كانت لابسه بنطلون احمر مع بلوزة سودا طويله ولافه شيلتها على شعرها نص لفه مخلي جزء من شعرها الفاتح طالع منها باغراء مو طبيعي >> محد قاهرني غير هالشيله .... ودي ازنطها فييها
طلعت من غرفتها وانا سويت روحي اقلب بالتلزيون وكل شوي اشوف تلفوني .. وهي يت ووقفت فوق راسي وتخصرت .. وتوها بتتحجى ولا يرن تلفوني
ابتسمت بويهها ببراءة وقلت
عزيز : لحظة .. عندي تلفون مهم .. وقمت من الغفنه وانا ابتسم واشيل التلفون ..

الجانب الثاني
شيخه
كنت قاعده امشط شعري يوم سمعت صوت باب الشقه ينفتح .. لبست ملابسي وغطيت راسي بشيلتي وفتحت الباب شوي شوي يوم سمعت عزوز يتحجى بالتلفون .. كنت بسكر الباب بس سمعت كلمة ( ليش ماشبعت منج حبيبتي !!!!! )
حبيبييييييبتييييييي !!!!!!!!!!!!!!!!!!!!! ؟؟؟؟؟؟؟

منو هذي ؟؟؟؟ معقوله سويرة ؟ لا مستحيل .. اصلا عزوز ماعمره كلمها .. عيل منو ؟؟
معقوله يحب وحده ؟؟ لا عزوز مو من هالنوع ؟؟ وليش مو من هالنوع .. كل الريايل نفس الشي .. وبعدين اهوا سوا شي اكبر من جذيه يت على بنت يكلمها بالتلفون .. تنرفزت .. شهالجرأة اللي فيه ؟؟؟ حسيت روحي بنفجر من كثر ما اان معصبه .. هذا مايستحي جليل الحيا .. >> لاتفهموني غلط .. ولا تفسرون كلامي شي ثاني .. انا بس منصدمه منه .. سوالي سالفه طويله وعريضه على نصور وشوفوا اهوا وخرابيطه .. هييين يالحقيير هيييين
سكرت الباب بقووة .. ورتبت اغراضي وسكرت جنطتي وغطيت شعري وطلعت .. ولا القى الشحن محطوط عند الباب .. مااهتميت وكملت صوبه وين ماكان قاعد .. كان ودي اذببببحه بيديني الحقيير .. ودي لو يي خلود ويشوف رفيج عمره ويكشف نواياه القذرة ..
وقفت متخصرة وانا اخزة بعين كلها حقد وكره وتوني كنت بحاجيه عن صلاح وشنو صار ويياه ولا يرن تلفونه .. وفز على طول يشيله .. منو هالشخص المهم اللي مهتم له جذيه .. ضحك بويهي بكل برود وخذا تلفونه وراح غرفته وسكر الباب ...... وانا متتتتتتت من القهر ..
شلت الشحن بعصبيه وشحنت تلفوني وفتحته ... دقيت على صلاح ومن رنتين رد علي
شيخه : الو ؟
صلاح : الوو ؟؟ شيووخ ؟
شيخه : صلووووح انت وينك ؟؟
صلاح : ترى توني رجعت خطي .. تلفوني كان ضايع وانا قايل حق عزوز وكنت ادق عليه يطلع لي معاه خط ثاني
شيخه بنرفزة : مادري يكلم منو .. صارله ساعه
صلاح : شيوخ تغار على عزوز ؟؟؟ ماصدق
شيخه : وييييع .. من وقال ؟؟ >> اترك عنك هالسوالف ليش مايت المطار ؟
صلاح : رفيجي مسوي حادث شيوخ .. وحالته خطره .. قبل ساعه طلع من الغيبوبه ووده الجناح ..
شيخه : منو صلوح اعرفه ؟
صلاح : محمد جان تعرفينه
شيخه : اللله يشفيه يارب .. زين .. ومتى بتي ؟
صلاح : ان شالله بزوركم هاليومين انتوا وين قاعدين ؟
شيخه : ماادري .. ماعرف صلاح
صلاح : ممم خلص انا اكلم عزوز واشوفكم وين ..
شيخه بصوت واطي : ماتقدر تيي اليوم ؟
صلاح : لا لا خلكم ترتاحون .. واللي اعرفه ان عزوز مايداوم الحين .. بتطلعون وتروحون زز خليها بعدين ؟
شيخه بصدمه : شنووووووووووووو !!!!!!!! منو اللي مايداوم ؟؟؟؟؟؟
صلاح باستغراب : عزوز بعد منو ... شيوخ حبيتي هذا الدكتور طلع خليني اشوفه وادق عليج
شيخه بنبرة وخلاص بتبجي مو قادره : صلوووووح
صلاح : شوي شيوخ وادق عليج يله باي
سكر صلوح التلفون وهو للحين عند اذوني .. قعدت عالارض ابجي... قص علي .. قص علي وقالي عنده دوره .. وخلود قص علي .. كلهم جذاابين كلهم
تميت ابجي الين ماسمعت صوت باب غرفة عزوز ينفتح .. قمت بعصبيه ومسسحت دموعي وييت طلعت بره بالصاله
شيخه : سؤال انت ليش ماتستحي ؟؟؟ ليش مسوي روحك البطل والشهم والطيب .. وانت من داخلك واحد حقير واناني ومايخاف من ربه ..
عزيز بهدوء عاطاني ظهره ومشى راح صوب المطبخ .. بس انا كنت متنرفزة عالاخر .. رحت له وانا اصرخ باعلى مافيني
شيخه : اسسمع .. والله والله .. ان مارجعتني الكويت اليوم ماني قاعده بهالشقه دقيقه وحده تفهم ..؟؟
عزوز : وانا ماغصبتج تاخذيني .. انتي بروحج اللي رضيتي ..
شيخه : انا ؟؟؟؟ شوف .. انا لا اواطنك بعيشه الله .. ولا اشتهي اشوف ويهك وانت تدري .. ولا يشرفني اقعد مع واحد حقير مثلك .. لعب بعقل امي وهذا انت قاعد تلعب بعقول اخواني .. ومايدرون عن خياسك وبلاويك اللي خاشها
وبوسط صراخي وعصبيتي ماحسيت الا بايد تمسكني من ايدي بقووووووووة كنت راح انهار منها من البجي
شيخه : ووووووووووووووووخر عوووورتني
عزوز وهو يقرب من اذني ويهمسلي وايده للحين ترص على ايدي حييييييييييل : اخر مرة اسمحلج تتعدين حدودج وتخربطين بالكلام .. سمعتي ؟؟؟؟
لكن انا ماكنت اشوف يدامي .. صرت اكفخه بيديني حييل .. بس ياجبل مايهزك ريح .. جني قاعده اطق بفراغ .. وهالشي قهرني لان ايدي قامت تعورني .. صرت ابجي ..
شيخه : هد اييييدي آآآآآآآآآآآي عورتني
فجأة حسيت بقبضه ايده توخر عني وعطاني ظهره وفتح الثلاجه ببروح اكثر وطلع له عصير ودخل غرفته ..
مسحت دموعي بيدي وانا مقهوووووووره منه .. مااحب احس روحي ضعيفه .. وانا بكل لحظاتي مع عزوز احس اني ضعيفه يوم عن يوم ..
حطيت ايدي مكان ماكان ماسكني فيها وحسيت بالم مو طبيعي زز تأوهت بوجع وانا ارفع كم بلوزتي السودا واشوف ايدي شلون زرقت .... حسبي الله عليييك يالحقييييييييييير
طلعت من المطبخ ويت الغرفه عنده لقيته قافل الباب .. صرت اطق الباب بهستره مو طبيعيه .>>>
شيخه : افتح الباب .. ودني عند صلاح .. مابي اقعد عندك .. ردني الكويييت ..... ماابييييييييييييييييك اكرررهك
بس ماسمعت الا صدى صوتي اللي كان يذبحني اكثر واكثر .. خفيت الطق على الباب ووخرت وانا امسح باجي دموعي ودخلت غرفتي اكمل البجي مع جروحي بروحي ..
طلعت دفتري وكتبت فيه بحروف ممزوجه مع دموعي اللي تطيح من غير لا احس على اوراقه ..

. . صحيـح . . وأدري ..!!وجودي والعـدم واحد ]
وأدري بعـد . . غيابي ما يفـرق أبـد . .
حتى انا تـرى . . ما يهمني امري
دنيـاي صـارت كلهـا حزن ونكد .
|| يكفينـي || بـس اني لانويت اسري
" مرتاح " . . دام بعـادي ما يجرح احد ..
الساعه 12 ونص
السكن ( غرفة شهد )
عليا : شهوود شقاعده تسوين ؟؟
شهد اللي قاعده على اللاب توب : اسوي البروجكت بعدي ماخلصته ومب راضي يضبط معاي
عليا : صج دريتي شو صار ؟؟
شهد وهي مندمجه بشغلها ومنسدحه على الفراش : بشنو ؟
عليا : تعرفين محمد اللي يدرس بكلية الطيران ؟
شهد رفعت عينها : ممم لا منو ؟
عليا : الكويتي اللي دايم نشوفه مع صلاح ..؟
شهد : اييييه الاسمراني اللي دايم يسوي ديرتي ؟؟
عليا : ايييه عليج نور .. شفتي شو استوى فيه ؟؟
شهد : لا شنو ؟
عليا : يقولج سوى حادث اليوم وحالته خطره .. سمعت انه بالعنايه
شهد بخوف : اووف .. شلون ؟ لا حول ولا قوة الا بالله
عليا : اي والله .. دريت من سنووي قالتلي
شهد : وسنوي شعرفها ؟
عليا : سنوي وتعرفينها .. درت من الشباب اكيد
شهد : مايستاهل والله .. ربي يقومه بالسلامه .. وشلون حالته الحين ؟
عليا : والله ماادري .. دريت انه رفيجه صلاح منهار حييل .. وتم وياه من الصبح .. سكتي سنوي بغت تموت تعرفين شكثر تحب صلاح .. وبخاطرها تدق عليه بس خايفه
شهد باستغراب : شلون ؟ عندها رقمه ؟
عليا : تييبه ان بغت
سكت بنرفزة .. ليش تكلمه عاد .. اوووف
عليا : عاد الطلبه كلهم يبون يروحون له باجر ولا عقبه اذا طلع بالسلامه .. شرايج نروح ؟
شهد : اكيد .. اذا كل الطلبه بيروحون .. نروح .. ولو اخونا ولازم نتحمد له بالسلامه .. بس تهقين حالته تتحسن ؟
عليا : ان شالله الله يسمع منج .. فقير .. اذا جي استوى فيه شلون بيكمل دراسته !!
شهد : الله يعينهم
قعدت اكمل البروجكت وعلوي قالت بتروح تسوي لنا نسكافيه وانا افكاري تاخذني يمين ويساااااااااار .. ورن تلفوني ويوم شفت الرقم كان سنووي .. شلته بعد تردد ..
شهد : الو ؟
سناء : هلا هلا هلا .. هاي سويتو ؟؟ وينكم ؟
شهد : بالملاهي .. وين يعني بالسكن
سناء :هههههههه وجع ممم قاعدين ؟
شهد : ايه والله باجر عندي بروجكت وعلوي عندها امتحان باجر وبتدرس
سناء : زين انا بعد عندي امتحان بس فيني كتله سوالف .. ابي ادرس وياكم ..
شهد : حياااج يله .. عيل نحسب حسابج بالكوفي ؟
سناء : اي بعد قلبي انتي .. يله مسافة الطريج بس
شهد : سنووي .. لاتيين بروحج بهالوقت
سناء : اووو عادي .. يله يله سكري لاتضيعين وقتي .. ترى ثمين
شهد : ههههههههههه زين ياثمين .. يله باي
سناء : باي


السكن بعد عشر دقايق
تييييين تووووون >>> جرس الباب
عليا من المطبخ : شهوووووود قومي فتحي الباب لاتفضحنا هاي البنت .. بيدري عنا الحارس الحين ويربشنا
شهد : ههههههههههه زين زين قايمه
قمت من اللاب توب وانا انط وفتحت البال
شهد : ششششششش >>> فضحتينا هههه دشي دشي
سناء : اوووووف برررررد برررررد مت من البرد .. اقول ماني راده الشقه بنام عندكم ونطلع الكليه
شهد : ميانين نخليج تردين بهالوقت .. دشي
سناء اللي تروح صوب غرفة شهد وهي تحاجيها : باخذ بجامتج المووف شهوود
شهد وهي رايحه صوب المطبخ : اوكييييه
عليا : شو تبون تاكلون مع النسكافيه ؟
شهد : ممم يوعانه حدي .. شرايكم ببيتزا ؟
عليا : وانا موافقه ..
شهد تصارخ : سنووووي .. نبي نطلب شنو تبين ؟
سناء : ابي سوبر سوبريم
شهد بحزم : ماناكل لحم مو مذبوح حلال يالخبله ..
سناء : انا عادي اكل كل شي
شهد : لا مافيه ياماما .. لحم نو
عليا بصوت واطي : خلص اطلبي لها اللي تباه
شهد : لا .. هي بشقتنا ممنوع .. خلها تعرف ان مايجوز ناكل لحمهم شنو كل شي فوضى !
سناء : ابي سوووووووبر سوبرييييييم شهود عن الملاقه
شهد : ماكو يعني ماكو .. تبين ماما مارغريتا ولا تمي من غير اكل
سناء وهي لابسه بجامه شهود الموف : اوووووف زيين يله امرنا لله ..
عليا : يله هاي كل وحده تشرب كوبها .. خلصونا لاتضيعون الوقت نبا ندرس
سناء : بنات دريتوا شنو صار بمحمد رفيج صلاح ؟
عليا تشوف شهد بنظرة : هيي درينا
ماتبون تروحون له هاليومين ؟
عليا : بلا .. بس منو من البنات بيروح ؟
سناء : ماادري .. بس اظن الكل
عليا : خير ان شالله .. عطونا خبر لاجل نقوم بالواجب
سناء : قلبي يعورني .. يومين ماشفت حبيب القلب
شهد بانقباض : ... منو تقصدين ؟
سناء بحب ومن غير شعور : صلاااااااااااح
شهد قامت وقفت .. وردت قعدت : زين امشوا نروح ندرس .. تأخر الوقت
عليا حست بشهد : شهود شبلاج ؟
شهد بابتسامه مصطنعه : لا بس تأخر الوقت وبنقوم نطلب والين ماتوصل البيتزا نكون خلصنا لنا جم صفحة
وقمت وانا منقبضه ماادري ليش .. حسيت اني قام يجتاحني شعور ماابيه .. ولا احبه طردت هالافكار من راسي وكملنا دراسه
اليوم الثاني
الساعه 9 ونص الصبح
شقة عزيز وشيخه
غرفة عزيز
قمت بعد ماازعجني النور .. فتحت عيوني شوي شوي .. ورفعت راسي بثقل اشوف الساعه ..
مسحت شعري بايدي بحركه سريعه وقمت الحمام .. فرشت وغسلت ويهي عالسريع وطلعت بره الغرفه
كنت احاتي شيووخ .. من امس ماكلت شي .. وو انا بعد طينتها وزفيتها .. ماادري ليش حسيت بتأنيب الضمير .. اهي اللي تييب هالسوالف لنفسها .. اهي اللي ترفع ضغطي باسلوبها .. اووووووف
صرت احوس يم الغرفه .. رايح راد .. مابي ادق الباب عليها . مابيها تحس اني احاتيها .. وبنفس الوقت مااقدر اخليها بليا اكل كل هالوقت ..
وبجرأة قلت بجرب افتح الباب واقعدها شوي شوي .. وان قعدت بقولها تقوم تتريق ببرود
قربت يم مقبض الباب ويوم فريته وافتر معاي استانست .. فتحت الباب بشويييش .. ودخلت من غير اي صوت ..
لقيتها نايمه وهي متلحفه كلها ماعدا راسها يطل من اللحاف .. قربت منها وقعدت مجابل ويهها .. شعرها كان منسدل على المخده بشكل مغري ..
قربت ايدي وصرت العب فيه وامسح على راسها وبحب اكثر .. قربت وبست راسها وانا ابتسم ..
احلى مافي شيوخ لما تكون نايمه .. تكون هاااديه ورقيقه .. تكون مثل اليهال .. نعومتها تذبحني .. تجرأت وصرت احرك اصابعي على خدها الوردي بحب ..
وهمست لها
عزيز : شيخه .. شيووخه ؟؟؟
شيخه بنعس تفتح عيونها وترد تسكر
عزيز : قوومي يله ماتبين تفطرين ؟
شيخه : مابي .. ابي انام
عزيز : ان ماييتي تاكلين الحين ماكو اكل بعدين
شيخه : مابي .. بفطر مع امي
سكت .. حسيته طراق من طراقات شيوخ المعتاده .. ماقدرت اتكلم .. امي !! ..
الله يرحمج يالغاليه .. الله يغفر لج ويجمعنا فيج ان شالله .. رجعت اتأمل بشيوخ وهي نايمه واكتشف شنو فيها يشبهه امي ..
عيونها العسليه ولا خشمها الصغير .. ولا شعرها اللي يدوخني .. ولا بياضها البريئ ..
شنو فيج ياشيخه مخليني مينون فيج ؟؟ شنو يميزج عن البنات ؟؟
ليش اشوفج احلى شي بحياتي .. صج انج متعبه .. بس يستاهل الواحد يتعب عشانج ..
مسكت ايدها اللي مخبيتها تحت خدها اليسار وبست اصابعها .. وطلعت بره الغرفه
ماادري شلون اوصف لكم سعادتي ... صرت اتمنى ان شيوخ دايما تكون نايييمه علشان اقدر اقعد معاها واشوفها واحاجيها مثل ماابي ..من غير هواش وصراخ ومشاكل
ضحكت لما يه على بالي ان شيوخ تقعد فجأة ةتشوفني يمها هههههه >> بتين .. هذا اذا ماقطتني من الدريشه
مفترسه من يومها ومجرمه
دخلت المطبخ وترقيت عالسريع ورحت غيرت ملابسي وقلت اطلع منها اهي تاخذ راحتها وتاكل ومنها اشوف مكتب الرحلات يضبط لنا رحلة حق برى لندن .. وسكوتلاند ..
بعد ساعه
شيخه
قمت بعد ماحسيت ببرد مو طبيعي .. رفعت راسي بنعس وانا احك عيوني .. لقيت الباب مردود !!!
قمت بسرعه وسكرته .. لان خفت ليكون عزوز دخل ولا قعد .. ويشوفني بهاللبس ..
انا قلتلكم ان الخبلتين حصوه ومها مو حاطين لي بجامات مثل الناس .. ومالقيت شي استر من قميص نوم طويل بس من غير كموم .. صح اني ثلجت نوعا ما .. بس الشقه فيها تدفئ داخليه وسكرت الباب وتغطيت عدل ودفيت
قفلت الباب وراي ودخلت اسبح ... يااااااللله ياازين الماي الحاااار وقت الشتا .. غسلت شعري زين وطلعت ابي اغير ملابسي وقلبت الجنطه مالقيت شي اقدر البسه .. كله جاكيتات وجينزات حق طلعه
وباجي الملابس كلها تنانير قصيرة ولا برمودا .. ابي اعرف منو اللي حاط جنطتي بفجر فييييه شنو البس الحين ؟؟؟
مستحيل افصخ حجابي يدااااام عزوز مستحيل .. اووووف
قعدت اطلع شي ارقعه مع الجينز ومالقيت غير بلوزة حرير فوشيا موديلها ( فلو ) على الخصر ومنقوشه بالذهبي .. لبستها مع الجينز .. مع اني حسيت ان البنطلون ضيق شوي .. بس مالقيت غير هالحل .. نشفت شعري باستشوار لقيته بالجنطه ولفيت شيلتي كل العاده .. وقبل لا اطلع .. طليت على ويهي ولقيت خدودي محمرين من البرد .. يبيلي ادهنهم شوي بكريم عشان يخف الاحمرار .. دورت بين اغراضي ولقيت كريم انا دايم استخدمه حق الحساسيه لان بالبرد ويهي يحمر .. هني بس دعيت حق حصوووه لانها انقذتني احس ويهي ياكلني .. حطيت منه وطلعت من الغرفه بحذر وانا اتلفت يمين ويسار لما اطمنت ان عزوز مو هني .. وركككككضه على المطبخ ..
سويت لي توست وجبن وقعدت ادور حلييب بس مالقيت .. ضاق خلقي .. وبدلته بعصير برتقال مافي غيره .. تريقت بسرعه لاني كنت خايفه يشوفني عزوز ولا يطب علي .. مالي خلق اشوف شيفته
واول ماخلصت دخلت غرفتي ودقيت على صلوح بس مارد علي .. وفكرت ادق على شهد يمكن هذا خطها يشتغل هناك .. بس طلعلي الجهاز مغلق .. بغيت ابجي .. احس بملل
دقيت على حصه وبعد ثلاث رنات جذيه ردت علي
حصه : الووووووو شيوووخه ؟؟
شيخه : الو حصه .. شلونكم ؟ شخباركم ؟ ليش ماتدقون ولا تسألون علي؟؟ انا بروحي هني مع الوحش
حصه : ههههههههههههههههههههههه منو الوحش ؟
شيخه : عزوز بعد منو ؟؟ ...
حصه : امس داقين وكلمنا عزوز وقال انج نايمه .. شلونج طمنيني ؟
شيخه بصوت فيه بجيه : ابي ارد الكويت الله يخلييييكم
حصه : شيووخ ... ماخلصنا من هالسالفه !!!!!
شيخه : زين خلوني اقعد عند صلاح ... تكفين قولي حق خالد يكلمه
حصه : اول شي صلاح مو بروحه بالشقه معاه رفيجه وثاني شي خلي الولد عنده دراسه وامتحانات شيوخ لاتشغلينه حرام
حسيت اني بروحي ... محد حاس فيني .. ليش جذيه .. مايدرون اني قاعده اموت وانا اعيش مع هالوحش المتبلد !!!
مايدرون العيشه اللي اعيشها معاه .. كلها كره ونكد وبجي .. ليش محد يحس فيني .. ليش انا اخر شي يفكرون فيه
قلت بألم : مشكورة ياحصه .. ومشكورين على القطه اللي قطيتوني فيها .. لكن انا اعرف شلون اخذ حقي بيدي .. مع السلامه
وسكرته من حصوه وانا مفووووووووووله منها ..
رحت غرفتي ارتب اغراضي لاني عرفت ان خلاص .. مافي فايده من صلاح .. وقصه سكني معاه كلها كانت جذبه علشان يخلوني ارضى اسافر عن عزوز ..
رتبت اغراضي وبعد مامرت ساعه من الممل .. فكرت افتح التلفزيون شوي اتسلى .. وقعدت افرر في هالقنوات يمكن القالي شي حلو ولا فلم اتابعه ..
فريت لما لقيت قناة طبخ حيطتها بيأس وقعدت اطالع .. الصورة من غير الصوت .. واشوفه يسوي باستا بالدياي والصلصله البيضا ..
كنت اشوف الصورة وبالي بعيييييييد .. افكر باشيا انتقم فيها من عزوز واخليه يطلقني .. الييين مازهقت
عزوز .. عزوز .. عزوووز .. اوووووووف .. الله يااخذك ويفكني مننك
قمت وانا اشوف لحافه مقطوط بصوب بالصاله .. خذيته وخشيته بدرج من ادراج كبت التلفزيون .. خله يقلب الشقه عليه ولا يلقاه .. وباجر بروح اعطيه حق حارس عمارتنا .. احسن